اقتباس:
كاتب النص الأصلي : المحارب العتيق
بعدين شو هو الصمود ؟
وإذا كانت أميركا بتحط قواعد مشان مصالحها روسيا بتحط قواعد على حب الله ؟
|
هو أحياناً بتحس البعض عم يحكو عن قضايا البلد كأنون عم يحكو عن قرغيزيا أو جزر المارشال... انو خلص السلطه هيك بدها تعمل فبتصير مهمتنا فقط تبرير هالقرار وماعد مسموح التفكير بهالقرار وتبعاته بل وبالعكس بيصير اذا حدا بدو يفكر ويناقس بهالقرار بيصير بدون الطريقة الأنسب ليخونوه ويستحمروه ويستغبوه...
مابعرف بالنهاية شو الفرق بين أي قاعده أجنبيه ببلدنا.. وبالفعل تساؤل مهم انو شو معنى الصمود والتصدي والكرامة برأيكون؟.. شخصياً كلو متل بعضو إلا اذا في شي عن جد بدنا نستفاد منو وللأسف منعرف انو ماحدا بدو يفيدنا بشي... لك إذا بيسبو فرنسا بدنا نسب معون واذا بيمدحوها بدنا نمدح واذا قطر نفس الشي واذا القرود الحمر نفس الشي...
بس مو معقول نوصل لمرحلة كمان اذا دولة أجنبية بدها تعمل قواعد عسكرية بأرضنا وتحط صواريخ عنا لازم نقتنع انو هالشي صح وإلا منكون خونة وكلاب... لك شوي تانيه بيقولولك روسيا جمعيه خيرية وعم توزع قواعد عسكرية على البلاد مشان تدافع عنون... لك تقول هالقطع العسكرية الروسية جاية لعنا مشان أول طلقة بتطلع من اسرائيل رح تهاجمها عوضاً عن الجيش السوري... أو الصواريخ يلي بدها تحطا روسيا بدها تكون مو جهة على تل أبيب وبإمرة الجيش السوري..
ياجماعة استوعبو بقا سوريا هي ... يعني بلدنا
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!