[اممي]

كاتب النص الأصلي : ربيع انثى

كل ما بفكر بالحرية بضحك بصوت عالي اي والله
وكل ما فكر بالتمرد بضحك بصوت اعلى بتعرف ليش؟
قال لنصير احرار بنصير قتلة منشان نطهر الارض من يللي فيها ويضلو الابرياء وقال شو بنكون نحنا ضريبة هالحرية ومو اي ضريبة لا انو نصير متلن مجرمين وكلو بدعوى الحرية وكره الذل

بس لما نتمرد على شو بنتمرد وليش بنتمرد؟بنتمرد منشان قيمة والا لانو ملينا الدور وحابين ناخد دور تاني اطول واكثر تسلط؟

ولو كنا مكانن رح بنكون شبههن والا رح بنضل نحمل ذات الافكار؟

ما بعرف جد ما بعرف

وليش ليكون في سادة اصلا وليش ليكون في عبيدة ؟؟
ليش ماالكل يلاقي اللقمة النظيفة والدوا لما بيحتاجو ويكون الو حلم مابيندعس بسباط الماديات؟
لو اتوزعت ارباح السيد على العبيدة لبطلنا التمرد ونسينا الحاجة