اقتباس:
معقول تتوقعوا شي من العرب و المسلمين ؟
لك هدول أفشل أمم الله
|
طيب اذا مانك متوقع شي من صاحب العلاقة بدك تجي تلوم الغرب؟
أ
اقتباس:
نا ما عم حمل الغرب المسؤولية .. بس لازم تعرفوا إنو أميركا لحالا دون الغرب قادرة على إيقاف المجزرة الفلسطينية بكلمة وحدة
من يومين خلت تركيا تطلع من شمال العراق بسرعة فاجأت الأتراك نفسن !
بس طالما أميركا ومن وراها الغرب ساكت ما رح يصير شي ...
|
أي طبعا ما راح توقفها... و ع فكرة مو بس أميركا ما بدها توقفها... هلأ خلينا نحكي عن أميركا لأنو أوربا برا اللعبة بفلسطين بأمر أميركي و رضا فلسطيني اسرائيلي.. يعني برأيك الحكام العرب مو فرحانين عاللي عم يصير؟ هلأ من كام يوم طلع مساعد وزير الدفاع السعودي عم يقول انو تجاه الخطر النووي الايراني السعودية و اسرائيل في خندق واحد... هيك بمنتهى الوقاحة.. و السعودية بدها انو اسرائيل تفرغ من مشكلة غزة مشان تكون جاهزة فيما لو صارت مواجهة مع اميركا+ بدها تنظف صورة عباس (انو ليكو اللي بيقعد عاقل بالضفة كيف ما حدا بيأذيه بينما هدول حماس شلة زعران) + مبارك بدو الوضع بغزة يتضبط لأنو مابدو حركة اسلامية اخونجية تكون قوية على حدودو.. يعني أميركا عم تدعم حلفائها المحليين.... اللي هنن... و ياللصدفة, حكامنا
اقتباس:
|
بدكن ياني خاطب ***** السعودية عبدالله ولا الأردنية و لا ***** المصري ؟!! لك هدول خانوا بلادن بدكن يسألوا عن فلسطين ؟
|
ها و بدك الغربي يسأل عن فلسطين اذا أهلها مو سائلين عنها؟ كيف بدك تقنع المواطن الغربي يتضامن مع فلسطين لما عم يشوف حماس و فتح يتضاربو.. كيف بدك ياهون يكون عندهون وجهة نظر اذا عندك اعلام فاشل جدا مو شاطر غير على مشكلة الكاريكاتيرات (ياريت منشان غزة يصير في ربع النشاط الاعلامي اللي صار منشان الكاريكاتيرات)... اسرائيل عارفة تسوق نفسها و لليوم عم تستنزف الغرب باسم الهولوكوست... و نحنا مو بس ما نعرف نسوّق حالنا انما مو شاطرين غير نبيع بعض...
اقتباس:
ولا معنى الحديث إنو لازم الواحد يسكت و ما ينتقد هالسكوت المخجل لعواصم القرار العالمي ؟
شو لازم نعمل ؟ نقول شكراً للغرب ؟ ولا تمسح جلدنا وما بقى تفرق معنا ؟
|
لأ ما لازم تقول شكرا.... بس ما يجوز ترمي الحق عليهون لأنو مو الحق عليهون.. الحق أولا و أخيرا على من يتعامل مصلحيا معهم من حكامنا.... هنن مدورين ورا مصلحتهون متل ما نحنا مدورين ورا مصلحتنا... هاي كحكومات... اما كشعوب.. التعاطف مع القضية الفلسطينية أكبر بكثير من التعاطف العربي, و ياريت متضامنين معهون بمحن نقطية صارت معهم بدل ما ندير ظهرنا و ما لنا علاقة
اقتباس:
|
بدي من كل واحد عارض الفكرة يترك شوي الكمبيوتر و يروح يتفرج عالأخبار و عالجزيرة تحديداً .. عم تطالع مآسي و مجازر و شغلات بتقشعر البدن ... شوفوا المآسي بعدين فكروا ولو للحظة إنكن لا سمح الله محل حدا
|
و مين قالك أنك الوحيد اللي عم تشوف؟ كلنا عم نشوف محنة أهل غزة... و كل ما هنالك انو ما بيطلعلنا نلوم الغرب على هالمحنة لأنها من صنعنا المحلي... اسرائيل تفعل ما تفعل بتواطؤ مع العرب قبل الرضا من أميركا
اقتباس:
|
قال عرب قال .. إزا بدنا نستنى العرب بيفنى الشعب الفلسطيني بكام قنبلة نووية و بتنحل مشكلة الشرق الأوسط .
|
طيب هون متفقين... بس معناتو عم توافقني انو تخاذل العرب و بيعهم لبعض هو المشكلة و ليس الغرب