اقتباس:
|
يا أخي صار مظاهرات للعراق بأوروبا و أميركا و أستراليا شي بيخوف ... و هاد كممانعة للحرب ... شو بيمنع يصير تحركات متلها تضغط عالحكومات الغربية الصامتة مشان فلسطين ؟
|
و ليش بدك من الغرب ما هو أكثر مما يعمله أصحاب العلاقة و أخوانهم... خلينا واقعيين.. كشعب هنن مجبورين فيك؟ يا ترى لما حدثت تفجيرات مدريد قديه من العرب تضامنو مع الشعب الاسباني؟ طلعت مظاهرة أو اعتصام أو حركة تنديد من أي منظمة شعبية عربية؟ رغم انو الشعب الاسباني أسقط حكومة كرمال الحرب... و شوف شلون جازيناهم... مو بس ما تضامنا انما في ناس طلعت تحتفل و توزع حلويات...
برجعة المثال تبع اسبانيا. اسبانيا ما عملت علاقات مع اسرائيل لسنة 1986.. يعني تخيل, بعد مصر, وبتعرف شو الحلو؟ انو بسنة ال 83 عن طريق الصدفة البحتة اكتشفو انو في عناصر من حركة ايتا الانفصالية عم يتدربو بمعسكرات فتح الانتفاضة بالبقاع... تخيل... يعني هالدولة اللي متضامنة معانا و مخوزقينها و حاوين ارهابييها...
في نقطة هامة جدا... و هي جملة ساندرا هاي:
اقتباس:
|
بالمواقع العربية لما بينذكر خبر استشهاد بالعراق أو فلسطين، أغلب المعلقين بيتعاطفو من منطلق أنو هالشهيد عربي متلون أو من منطلق الدين المشترك، ما حدا بياخدا من منطلق انساني، فعلى أي أساس بدك تطالب الغرب يدافع عن عالقضية ويتبناها !!!
|
نحنا ما منتعاطف الا من منطلق دين أو عقيدة أو ايديولوجيا.. مافي منظمة انسانية عربية انو تقول تتعامل بغض النظر عن الموقف السياسي.. نحنا نزعنا الانسانية من قضايانا لما حتى توزيع الطحين صار عالايديولوجيا
ما حدا مجبور فينا يا فادي... الغرب حكوميا ماشي ورا مصلحتو و عم يمشي مع حلفائو.. اللي هنن اسرائيل و حكامنا... و شعبيا عملو و يعملون الكثير الكثير... أكثر من العرب أنفسهم على أنفسهم, رغم انو بحياتنا ما أثبتنا انو نستحق...