أي... كنقطةثانية بدي بس احكي شغلة بخصوص "مبادئ الغرب"....
يا عم فادي ربطك لـ "مبادئ الغرب" باللي عم يصير, أو السلبية المفترضة اللي عم نجنيها من الغرب نتيجة واقعية لسياسة ديماغوجية (من كتر ما باكل مسخرة عهال الكلمة كنت بحاول ما استخدمها... بس اذا عم نحكي عن السياسة العربية مستحيل ما تطلع بسياق الكلام) أي وين كنا.... أيوا انو كلامك نتيجة واقعية لسياسة ديماغوجية لحكام العرب, ليش؟ لأنو كل شي بيضرهون بيعملوه "منتج غربي" عبر ماكيناتهم البروباغندية الرهيبة...
صرنا نكره حقوق الانسان لأنو حدا قال انو سلعة غربية
صرنا نسب ع أبو الديمقراطية لأنو حدا قرر انو منتج غربي
الدليل انو روح ع أي منتدى أو أي موقع فيه ميزة التعليق و راح تشوف انو ع أول ذكر لكلمة حرية رأي أو ديمقراطية بينط حدا يقلك أبو غريب... وك يا عمي شو دخل؟؟؟ هاي جريمة حرب أميركية فضحها الاعلام الأميركي و أكيد ما خفى كان أعظم.... بس شو دخل هاي بالديمقراطية؟ يعني الديمقراطية مو منيحة لأنو الديمقراطية "شغل أميركا" ع حسب حكيو... يعني حسب هالمنطق كمان فينا نقول للبعث و لأحزاب باب الحارة اللي معو انو خيو كمان الاشتراكية و الشيوعية مو منيحة لأنو شغل السوفييت اللي ضحك علينا على مدى عقود عاث في الأرض فسادا بأفغانستان... نفس المنطق المهتري بالضبط
