[VivaSyria]

كاتب النص الأصلي : محمد ابراهيم

اعتقد ان ردك هاد بعيد عن ردي اللي سبقو
انا بقلك ان مسئولية البشر تقع على البشر فقط مو على الله ، هلئ لما بقتلك بكون انا المسئول مو الله هاد اللي بدي اقولو ،
لما مابشتغل ومابدبر أكلي بكون انا المسئول عن جوعي مو الله ، هاد اللي بدي قولو ،
بالمناسبة بخصوص الدعاء ، الدعاء الو شروط مو هيك .
لما مابشتغل ومابدير أكلي بكون انا المسئول عن جوعي مو الله ، ومابيطلعلي اسال الله وين أكلي ؟ انت قلت انو رزقي عليك ، نقعد كلنا ببيوتنا وما نعمل شيئ ابدا والله رح يرزقنا (معقول هاد !!) هاد اسمو تواكل مو توكل .
بخصوص باقي ردك كلو بعيد عن صلب الموضوع وفكرتو "خليه مؤجل لنقاش اخر بيني وبينك مشان ما اتشتت"
ابادة شعوب كاملة والريح والمطر ومدري شو ما موضوعنا هون خلينا بئصة هالزلمة وقضية رزقو على الله ومسئولية الله عن هالرزق وهيك .

طيب اخي بحيثيات الدعوى في نص واضح وصريح بالقرآن بيقلك "واذا سألك عبادي عني قل اني قريب اجيب دعوة الداعي اذا دعاني فليستجيبوا لي وليأمنو بي...."

الزلمة قلك انا طبقت الشروط المذكورة ومأمن بالله وعم ادعيلو وعم اشتغل يلي بقدر عليه وماعم يستجيب شو بيكون الوضع؟؟

ما بتعرف واحد بيشتغل 18 ساعة باليوم ورزقو قليل جداً؟؟ وفوق البلا بيكون صايم مصلي؟؟ ما شفت الشيالين بالمينا؟؟ ماشفت الزبال "مع احترامي الشديد" يلي هلكان يعيشتو؟؟

اذاً هاد مو تواكل وانما توكل بمفهومك للمسألة.. وبناءً عليه في تقصير من الله برجع بأكد بناءً على الوعود يلي هو اخدها على حالو وعلى الوفاء من قبل البشر لإلو..