[personita]

كاتب النص الأصلي : butterfly

pخلصتو للكتاب ، وبصراحة اقل بكتير من توقعاتي لكتاب احلام
( يعني مانو نوع الكتاب اللي ممكن اشتريه واحتفظ فيه واقراه اكتر من مرة )
فيه كام شغلة كتير حلوات ، بس عموما ً في تلت شغلات ما كتير يعني خلوني اعجب بالكتاب
اول شي ، ما عرفتا لأحلام بصورة المفتي وحسيتا اكتر من مرة داحشة الدين بالقصص دحش ، الدين كعلاج لقصة حب فاشلة
تاني شي عموماكل كتب النصاءح مانا من النوع المفضل عندي ، ما بحب اقرا 200 صفحة نصائح ، انا من التنحين بالحياة اللي بيحبو يعيشو الخبرة الشخصية لاعتقادعن انو التجارب تبع البني ادمين شخصية وما بينفع تعمم فيها ،
تالت شي بحياتي عموما ، التقيت برجال مخلصين وما بينسو بسرعة ، والتقيت بنساء ما بتقدر العلاقة وبتنسى كتير بسرعة
و بما أنو الكتاب متبني التعيمم تبع الرجل بدير ضهرو وبيمشي ولاانثى هي الضحية ما كتير قدرت اتقبلو بسلاسة

أنا كمان صار فيني نفس المقلب، بدأت الكتاب بلهفة وخلال يوم كنت مخلصتو، بس ها المرة فاجأتني "الحجية أحلام" ، حسيتا شي مفتية فضائيات، بغض النظر انو ها الحكي فيه وجهة نظر وأنو الإيمان ممكن يكون عامل مساعد وإيجابي لتخطي أزمة نفسية، بس أنو ما توقعت أقرا هيك نصائح من كاتبة "ذاكرة جسد" أو عابر سرير"، عموما، هي نفسا حكت أنو زمان اللي ما عادت هي نفسا كاتبة ها الروايات وأنها بتحتاج ترجع تقرا شو كتبت لتتعلم من رواياتا. بس على فكرة،ة حبيت الروح الخفيفة اللي تناولت بيها الموضوع، خصوصا موضوع "الأدعية".
بخصوص النصائح، أنا اي حبيتا، لأني عكسك ميمو، بحب أتعلم من تجارب الغير، وإذا تجربة غيري ممكن تخليني أتفادى أقع في خطأ، فكتير بيكون وفر علي عناء "التجربة المرة"

بس اللي ما عجبني بالمقابل هو طريقة تنسيق النص، حسيت انو فيه فوضى، وحشو كتير وما في ترابط تام
ولاحظت كمان أنو استعملت أقوال كتاب ومشاهير بطريقة مفرطة، لدرجة اني حسيت انها مش جايبة تقريبا شي من عندا.

غير هيك، استمتعت بقراءة الكتاب، وما بستبعد شي مرة، إذا صار واحتجت النصح، أرجع للشيخة أحلام، على الله تكون على ايدا البركة