اقتباس:
|
بداية بحب هني الشعب السوري والاخوة بالمنتدى بمناسبة الحركة التصحيحية كل عام وانتو بخير :
|
ومن عندي أحر التعازي .
اقتباس:
الخالد حافظ الاسد محفور بفكرك لو عملت 100 عملية غسيل مخ مرح تشيلو من فكرك وعلى
مااظن مكان بحياتو راكد ورا الكرسي لا هوي ولا ولاده..ولا تنسى انو اجا بعد مليون انقلاب كانو مدمرين
الثقافة والاقتصاد بهالبلد..
|
اي فعلاً الرئيس الخالد تبعكن ... لو بعمل مليون عملية غسيل مخ ما رح شيلو من راسي على انو الدكتاتور الاعظم بتاريخ سوريا ولو انو جاية بعد مليون انقلاب .. فهوي ايضا اجا بانقلاب وهالانقلابات كلها اللي صارت قبلو ما بتنبئ بقدوم انقلاب ابيض ااو انقلاب افضل من اللي حصلو لكن الفرق بين الانقلابات اللي صارت والانقلاب تبعو .. انو الانقلابات السابقة راح ضحيتها كم من الناس في البداية ومشي الحال بعدين .. بينما حافظ الاسد راح ضحايا بالبداية وطوال فترة حياتو ... ولا زالت آثار انقلابو عميروح ضحيتها المئات من المواطنين يومياً. هي من الشغلات الي نسيت اذكرها بمنجزات الحركة التصحيحية
اقتباس:
وهيدا اللي قال رحل الدكتاتور والله يمكن ما بيعرف انوحافظ الاسد انسجن كرمال بلده والوحدة وسمو
عيلته الاسد لان ابوه قتل اكبر اقطاعي=دكتاتوري بضيعته يمكن نسيت هنو هوي الرئيس العربي الوحيد
لزل اسرائيل واميركا مو بس بالحرب والبسياسة بينما متملقو الحرية يسكنون في الولايات المتحدة
ينتظرون دخول سوريا على ظهر دبابة اميركية ولا اعني الجميع بل هناك معارضة شريفة ومعارضة
بالعامية منقلها مصلحة
|
أولاً هاد الي عمتقول عنو "هيدا" عندو اسم بيشرف تاريخ سوريا بكاملها يفضل تناديه باسمو ... مشان
حفظ الالقاب بالنسبة لقائدك حافظ الأسد .
وليكون بعلمك انتقال التسمية من جد حافظ الأسد "سليمان الوحش" إلى سليمان الأسد ليست
بسبب بطولاتو المشرفة وليست ايضاً بسبب مساعدتو الضعفاء والنهب من الاغنياء لـ روبن هود القرن
العشرين
انتقال التسمية اجا للأسد كونو سليمان صار تحت رعاية العثمانيين ومن وجهاء الدولة العثمانية وما كان
بليق بدبلوماسي بالدولة العثمانية كنية كـ الوحش. هي لتصحيح المعلومات مش اكتر .. وهاد عن لسان
جابر الأسد عم الرئيس يعني ابنو لسليمان الأسد
اقتباس:
وبالنسبة للسجون يمكن مابيصير كل مواحد قال انا معارض يحطوه بالمعتقل بس كمان موكل
اللي بالسجن شرفاء نحنا دائما مننسى المليح ومنركد ورا القبيح وماحدا رب حتى مايغلط.....
|
ايواا .. حكيت شغلة حلوة كتير انت .. ليس كل من في السجن شرفاء.... لكن بحب قلك كمان ... كل الشرفاء هم مساجين ..
اقتباس:
صح في معارضة محقة بهالبلد وانا معا يعني ضد الفساد والمحسوبيات والرشاوي والنهب .....
بس فيك تفهمني وين الحق عالمرحوم رالدكتور بشار ....
الخاين الزعبي ورفعت وخدام و...و....و
|
ما منختلف نحنا التنين ولا اي شخص بيختلف معنا انو الزعبي ورفعت وخدام خونة
لكن فيك تقلي وين كانو هدول قبل الخيانة ؟
فيك تقلي خدام ما كان ايدو اليمين..ولا الزعبي .. ولا .. الخ ... فيك تنكر انو كل هالخونة المنتشرين برى والطالع صوتهن هلق ما كانو تحت ايديه اليمين والشمال للرئيس.
فيك تقلي انو مصادر هالفساد والمحسوبيات والرشاوي والنهب .. مو كلها تحت ايدو.
معقول رئيس بهالذكاء... ما قدر يفطن لخيانتهن الا بعد ما اخدو ما هب ودب من رقبة هالشعب ؟ انو عمين عمنضحك ؟ كلنا ولاد سوريا .. وكلنا منعرف بعض ... مانا بحاجة نضحك على بعض.
اقتباس:
قلة خونة بهالبلد رئيسك الخالد عطاه الملك السعودي مليون دولار ليبني بيت راح حطها
بالميزانية في عالم كتير راحت تعزي بوفاتو واولن انا شب من هالشعب وشفت انو بيتو متل بيت اقل
موظف عنا اسال وشوف......
مو المهم نحفظ جملتين ونرددن.........
|
ولك بربي ضحكتني
بعدين شو هالرئيس الفراطة مع عدم احترامي الكامل الو .. ليقبل صدقة من رئيس السعودية كرمال يبني بيتو
قلتلي بيتو متل اي بيت
بيت المالكي هاد صار بيت متل اي بيت
ليش عندو بيت هوي ؟
بتحب عدلك القصور ؟
بتحب تعرف شي عن القصر الجمهوري وقصر الشعب والقصور الي بالقرداحة ؟ انا اكيد انو خبروكن عنهن بكتب القومية اللي باصمينها بصم ...
لا تقعد تصورلي ياه ملاك. وانو هوي منيح بالمطلق
اقتباس:
حرية الراي الها حدود يااما بنعيش بالغابة صحيح انو ما عنا الا القليل منها بس احسن منكون متل
لبنان مسبة وشتايم وقتل وصدامات هيك بدك الحرية يعني يطخو ياكسر مخو
الكتب مبعرف عنا وبدك تحاسب وزير الثقافة مو الرئيس...
|
لا بحاسب الرئيس ونص .. لانو مافي قرار ما بيمرق تحت ايدو .. خصوصاً حافظ الاسد .. مانو غشيم لحتى يعطي حرية القرار للوزراء اللي هنن مانهن اكثر من كراكوزات بيتحركو كيف ما بدو بالزمان والمكان الي بدو هوي
اقتباس:
بالنسبة للجرايد اعمل صحيفة سب اللي بدك اياه مسموح الا الرئيس لان هوي سمعة وطنك
وهوي بيحكي قدام الناس باسمك بالنسبة للدبور ابن خلي كان عم يشتغل فيها وتم اغلاقها لان كانت رح
تنشر كاريكاتير ومهاجمة للرئيس ....لقلك شغلة في 3 من عنا منالمدينة رح يعملو جريدة ناقدة واحد منن
قريب علينا عرفت انو عطوه الصلاحية يسب ليشبع بس الرئيس خط احمر.
|
حزير شو .... ضحاك عواحد من برا مجال الصحافة والاعلام .. مو واحد صرلو 6 سنين بهالمجال .. مو واحد بيشتغل بجريدة من الجرايد اللي تسكرت ..
وليكون بعلمك .. بلدنا تسكرت بسبب كاريكاتير ما بيمت لللرئيس باي صلة .. بقا تجي تقلي حرية راي ولا تقربو عالرئيس... حبيبي هالجرايد ازا ما طبلت وزمرت .. وطبطبتلو بكل صفحة لهالرئيس كانت تسكرت من زمان.
اقتباس:
وبالنسبة للاعلام المرئي والمسموع حابب ذكرك بشغلة انو كل محطات العالم التلفزيونية
التابعة للدولة لازم تتقيد بحدود وقوانين يعني معقولة تلفزيون الدولة يسب عالوزراء مثلا,وفي قنوات خاصة
سورية كتير الدنيا,شام,مسايا.................... ...الخ
|
الي بيدهشني دايماً .. انو يلعن رب قنوات هالتلفزة .. قلتلي ما نقرب عالرئيس ؟
لما هالرئيس بدو القنوات تحترمو ... بالصرماية لازم هالقنوات تحترم باقي الرؤساء ... مهما كانت الصداقة او العداوة بيناتهن.
فيك تفهمني اليوم ليش بين كل اعلان واعلان كانت قناة الدنيا عمتحط فضيحة ضرب الكاس بين ملك السعودية وبوش؟
انو شو هالمنطق الاعوج هاد .. نسب عالعالم معلش بس حدا يسبنا منلعن شرفو ؟
اقتباس:
وبالنسبة لحرب تشرين بتمنا تراجع ذاكرتك وتعرف انو لولا خيانة السادات كانت مو بس الجولان
كانت فلسطين صارت عربية؟؟؟؟؟؟؟؟؟
|
يعني انو الخيانة من السادات سبب ؟
شو بدي اوقع من هيك حرب لما اسرائيل صارت بسعسع بيطلعلي مسؤول الحزب تبعكن بيقول لو تصير قوات العدو من جنوب دمشق لشمالي الحسكة .. طالما الحزب بخير البلد بخير والشعب بخير
لك شو بدي اتوقع من هيك حرب وهيك قيادة حربية فاشلة خبرني ؟
اقتباس:
الخصخصة وبعتقد فيني احكي بالا قتصاد لانو اختصاصي :مفيك تطبقها عكلشي تصور
يخصخصو الخبز منشان الموظف اللي راتبو 6000 ليرة بدو 1000 ليرة خبز هيدا اذا كان اعزب .....وخصخصو
المازوت بدا العالم تشعل تيابا للتدفاة والسرفيس باصغر منطقة بدو 30 ليرة........و...............و.
مفيني غير قول عن الدكتور لان علا قتو بالموضوع قليلة انو اجا بالانتخاب .........
بعرف انو مرح يعجبك هالحكي بس بدي قلك شغلة من اخ لاخوه العاقل ما بيقعد ببرج وبيحكي انزل بين
هالشعب واسمع 90% منو بيقول الله يلعن ابو الحرامية اللي خربو البلد بتسالون طيب ليش الرايس
مبيحاسبون اول جواب شو بدو يلحق ليلحق الله يكون معو وياخد بايدو عالظلام لانو شب متلنا وبيعرف انو
شعبو عم يتحمل معو شوي شوي وانشاءالله بعد الصبر والشغل والتعب تكون سوريا ارقى بلد بالعالم.....
|
هي القصة انو الله يعينو ... بتحكيها لولد عمرو 7 سنين لساتو ماسك كتاب القومية جديد .. وبعدو عميتعلم مبادئكن .. ما بتحكيه لشخص عارف تماماً شو تفكيرو
اقتباس:
وكلمة اخيرة :بحبك......بحبك....يا سوريا
|
اي وكلنا منحب سوريا .
اقتباس:
لك عيب عليك هالحكي, مين اللي اجى بالانتخاب؟؟؟ وانو انتخاب.؟؟؟ هي المسخرة تبع حلقات
الدبكة الشعبية و انتخابات ال99.99 اسمها انتخاب؟؟؟ بتحدى الديكتاتور تبعك يسمح بانتخاب حر من دون
قمع المخابرات تبعو لنشوف ساعتها من بدو ينتخبوا
|
ازا مع جورج وسوف حصل على نسبة دون ال 50 بالمية .. لا اتوقع يحصل نتيجة افضل من هيك مع منافسين بيستاهلو الكرسي عن حق وحقيق 
اقتباس:
وبالنهاية تحية كبيرة لاحمد
لانو لخص جرائم حافظ الاسد , رغم انو برايي بدها مجلدات لتنعد
|
يجف المداد .. وتستمر الحكاية
اقتباس:
الديكتاتوري الدموي هوي اللي عم يعلمك هالحكي عالقليلة احترم حالك الزلمي مات واسا لا
حقينو عقبرو الحق عليه كان لازم يتركك انت وامثالك تخربو هالبلد .......
|
مو نحنا الي لاحقينو على قبرو ... أفعالو الي لاحقتو .. في فرق كبير
اقتباس:
بدك تتمسخر تمسخر عحالك وعملعمينك انا ملا قى حرية بهالبلد اكتر منك لان روحي نضيفة
غالقليلة بفيق كل يوم الصبح بدعي الله يسرلي مو من تفتيح عيوني بسب وبرد متل الببغاء ورا معلميني
انا شب طالب اقتصاد موراي حدا وابي وامي موظفين وعايشين مستورين بتحداك انو اذا قالو مشوا
عالمقاومة بالجولان يابتتخبى يا بتهرب لبرا متل معلمينك ...
|
انت بتلاقي حريتك لما تفيق من الصبح وتقول يا ربي رزقني ؟ يا ربي خلي النظام راضي عليي .. خلي الاجهزة الامنية معمية عني .. يا رب زدني تطبيلاً وتزميراً .. وليحيا المطبلون للنظام ؟ إذا هاي الحرية عندك فيؤسفني يا صديقي انك عار على كلمة انسان حر. وسياسة التخوين .. لا تتبعها مرة تانية ... كل شخص بيعرف شو هوي ضمنياً ومانو بحاجة يقيم العالم ولا العالم بحاجة تسمع تقييمو.
اقتباس:
هالرئيس اللي عم تحكي عنو ميزيد الرواتب ميجيب اقتصاد هالبلد بعدين شفتو بعينك عم يقلو
لمخلوف يلا سروق هيدا ياحبيب معندو بيت من وراك ومن ورا امثالك بس اللي استحو ماتو..
|
والله يا غالي لما لاقيه بيعرف شو رامي مخلوف وبيعرف شو عميعمل رامي مخلوف ودافن راسو بالتراب وساكت ... بتصفى هي متلها متل تشريع افعال مخلوف .. وكانو عميقلو سروق ونهاب..
اقتباس:
على فكرة انا متا كد انو طول عمرك بترسب بالقومية لانو مستحيل تفهمها ولا بتعرف معناها
يا.........احمد
|
ازا هي القومية تبعك اللي بدي اتعلمها .. فاكبر شرف الي حصلت عليه بحياتي .. اني رسبت بالقومية .. واكبر شرف الي انو سبب رسوبي بالبكلوريا 3 سنين ... هوي القومية تبعكن ... لانو من ورا هالقومية الزائفة .. ومن ورا هالقومية اللي اخدت اقرب الناس الي صرت اعرف اني فخر المواطن السوري.
اقتباس:
شايف كيف.. حتى الفكر القومي فهمانو انت بيتلخص بحافظ الاسد وببشار.. ويلي بينتقد شي تصرف من تصرفاتون بيكون عم ينتقد القومية والعروبة والوطنية... وبيكون خاين وعميل ورجع وامبريالي...
سيدي اذا هو رسب بالقومية "تبعك" الله يباركلو... أحسن ماينجح بعلامات الشبيبة والانتاجي والمظليين يلي حفظوك فيها هل كم كلمة ونسيت انو عندك عقل لازم تفكر فيه...
|
زادك الله جهلاً وضلالاً يا فادي 
ألا تعلم بان قوميتهم هي ان تنخ رقبتك تحت بساطيرهم وانت ترسم ابتسامة على وجهك
والا تعلم ايضا بان تهب كرامتك وحريتك للدولة مقابل حفنة من الـ "دولارت"
فاجقتني يا رجل ... انت عار على المواطن السوري المثالي
اقتباس:
ترى هل ننعم بحركة تصحيحية مجيدة جديدة تصحح كل اهوال الفساد المستوطن
كلما تأخرنا زاد الموقف تعقيدا
حافظ كان ثعلب على صعيد السياسة الخارجية له وزنه, ولكن ما الفائدة
اذ حطم الشعب وكسر كل انواع الاجنحة التي تسمو الى حرية الفكر ولو ببضع رشفات
هل تتغير معالم سوريا الى الابد....
الفساد اصبح مثل مدينة اكلي لحوم البشر ينتشر وينتشر
يبقى لنا بعض الامل ولا نعرف طريق او مخرج له
..
لنا الامل يا صديق
|
المشكلة تكمن يا صديق.. بانو حافظ بيك .. بكل شي ثقافة تعلمها .. نسي انو الشعب هوي اساس الحضارة واساس الدولة.
ونسي انو اللسان اقوى حالاً من البندقية.
ونسي انو في فئة كبيرة من الشعب السوري .... ملغي من قاموسو كلمة خوف
يتحمل النتائج لشوف 
اقتباس:
|
اللي خلاني حط هالتعليق هلق انو طريقة تفكير السيد توم وجيري بتشبه طريقة تفكير عنصر الامن , رغم انو كما قال طالب جامعي .........غريب ما هيك ؟
|
الثقافة الزائدة تسبب امراض القلب والشرايين والامراض البعثية المستشرية
ولك الله يحمل معك يا سورياااا
