اقتباس:
كاتب النص الأصلي : التقرير الجوال
بلاد الله لخلق الله ...
الأرض ما احتلت و لكن العرب دخلوا ليسكنو و ينشرو دينهن .. في فرق .. الاسبان ما نطردوا تمّو قاعدين و لأواخر سنين العرب بالاندلس كان في معاهدين بدولة بنب الأحمر .. مع انو العرب ما كانوا بس بالجنوب و الباقو رجع للإسبان بسبب التفرقه يللي صارت و دول الطوائف إذا سمعت عنها.
أنا مسلم و بعطل السبت و الأحد لأني قاعد هون فوين الغلط؟
مين استولى على مقدرات الشعب .. إذا قريت مشاركتي الأولى رح تشوف بأنو موسى بن نصير رد كل مزارع و ضيع أبناء آخر ملوك اسبانيا إلهن متل ما اتفقوا .. بعدين القنطرة العظيمة يللي انبتن باسبانيا هاد بدل على النهب
المدارس يللي كانت بدرس على نفقة الدولة .. العمران يللي صار و موجود لهلأ .. برأيك بيدل على انو العرب يللي دخلو دخلو لينهبوا.
بعدين العرب دخلو و اندمجوا بالاسبان و تعايشو معهن و نتيجة هالتعايش طلع جيل هجين .. هاد اسمو احتلال؟؟
|
بنفس المبدأ خلينا نأسقطه على الوجود الفرنسي
رح احكي بالنسبة لحلب مو أكتر
مدينة حلب القديمة ولحد اللحظة شبكات الصرف الصحي + تخطيط المربعات السكنية + تسمية بعض المناطق اللي فيها كلها أمور جرت على يد الفرنسي
خطوط السكك الحديدية المستخدمة اليوم فرنسية الصنع والتصميم والفركونات المستخدمة لحد اللحظة مطبوع عليها الأحرف الثلاثة التالية : cfs
شومان دو فير سيريان = الخطوط الحديدية السورية باللغة الفرنسية
أعظم المدارس في سوريا واللي خرجت كبار دكاترة الجامعات متل الدكتور علي مصطفى كانت فرنسية الانشاء والمناهج والكادر التدريسي متل مدرسة الفرير = الأخوّة اللي كان 90% من طلاب الهندسة بجامعة حلب أول أيام انشائها من خريجي المدرسة هي .
وياسيدي اذا بترجع لأفلام دريد لحام بتلاقي انه اللغة الفرنسية كانت دارجة ومنتشرة بين عامة الشعب .. بشي مشابه للاندماج الثقافي اللي عم تحكي عنه والانفتاح على العالم والتواصل مع البشرية
وبما اننا عم نحكي على الانتداب الفرنسي ايام عزه فينك تمرق على مصر وبترجع للتاريخ بشكل سريع رح تعرف بأنه أول آلة طابعة بمصر ادخلت على يد نابليون .
بتقدر تسمي الفرنسي فاتح للأرض وترفع عنه لقب الاحتلال ؟
الوجود العربي في الاندلس لا يمكن وصفه بغير كلمة " الاحتلال "
المغالات بالدفاع عنه انطلاقا من دوافع قومية أو دينية ما بتختلف عن اي فكر متعصب أعمى ما بيرضى ينوصف بالألقاب اللي بيوصف فيها أعداءه
فرض السيطرة على بقعة جغرافية معينة واجبار السكان الأصليين على اتباع حكم خارجي مغاير لموروثهم -وبغض النظر عن وجود ممارسات قمعية ارهابية بحق السكان الاصليين كون المصارد العربية ما بتعترف بأي ممارسات قمعية ( شي طبيعي ومنطقي جدا ما حدا بقول عن حاله مجرم ) - يعتبر احتلال والتلاعب بالألفاظ ما رح يعطي نتيجة .
بالعودة للمثال الفرنسي
امبارحة بالتحديد كنت عم اقرا مقال عن سوريا الكبرى .. شفت مقال بالانكليزي رح حاول أمن النسخة تبعه على النت
عم يحكي على فكرة الانتداب ومبدأها وصف الوجود الفرنسي في سوريا على انه محاولة تطوير البلاد وتخديمها ونشر الثقافة الفرنسية من طرف وتحسين واقع البشرية من طرف تاني ، وتم وصف الوجود الفرنسي على أنه محاولة تحسين الواقع السوري المتردي من بعد سقوطه في الحرب
كسوري الجنسية والفكر والقومية مافيني أتقبل وجود محتل على أرضي حتى لو فرشلي بيتي زهور وورود وجسدلي الجنة بالفسحة اللي على راس حارتي
هي عم احكي من أخيرا يعني انه الزلمة قاعد على ارضي وما عم يأذي حدى .. هيك هوي حابب يكتر غلبة ويعذب حاله ويدير باله على مستقبلي ويساعدني بتثقيف نفسي .. ما عم قول انه عم يلعن سماي ويحرق ديني بشروطه اللي بررها البعض هون ( من حق المنتصر فرض قوانينه )
حكم أصحاب الأرض هوي الفعل الشرعي وايا شي مخالف لهلقاعدة يعتبر احتلال واستغلال بغير وجه حق .