اقتباس:
كاتب النص الأصلي : Raw
أوّلاً ما سمعت من ولا مصدر موثوق أو غير موثوق إنـّـو حدا من (مدّعيّي) علم التفسير اقترح إنـّـو القنبلة النوويـّـة مذكورة بالقرآن؛ حاج تلخم علينا.
ثانياً انتبه حضرتك شو حكيت
هاد بيعني في (إعجاز علمي بالقرآن) يعني موجود هالعلم ئصدي البحبشة و النكوشة عن الإعجاز ؛؛ و بما إنّــو في ناس هيك شغلتهن لذلك ما منئدر نلومهن إذا فسـّـروا أي شي على إنـّـو إعجاز ؛؛ يعني متل ما الملحدين بفسّــروا أي ظاهرة تفسيرات مليانة حلقات مفقودة (أشهرها حلقة داروين) كمان هدول بفنـّـدوا أي شي على إنـّـو إعجاز علمي قرآني.
ثالثاً انتبه لحالك لا تضحك كتير خبـّـي شوي للعيد الجاي و ردّ بعقلانيـّـة أكتر؛ أوكي مان.
----
مو بالضرورة إذا الإنسان تطوّر عن القرد ما يضلّ ولا قرد بالكرة الأرضيـّـة و إلا إذا كلّ نوع بدّو يتطوّروا كلّ أفرادو للنوع التالي بسلسلة التطوّر ما كان صفي عندنا غير البشر.
------
.
هلأ الردّ على الموضوع الأصلي؛؛؛؛
.
برأيي الغرض من ورا هالدراسة تجاري بحت!!
يعني في مليون تناقض بين الإسلام و بين داروين و الكاتب هاد حاول يلعب على هالخطّ إنـّـو شغلة جديدة غير متوقـّـعة بتلفت النظر و لو إنـّـو عن جد بدّو يكشف حقيقة و ئصـّـة طويلة عريضة كان نشر الكتاب بشكل مجـّـاني مو (أضف إلى سلـّـة مشترياتي) يعني مثال إذا نشرنا بحث بعنوان (البابا يحجّ إلى مكـّـة و يزور قبر الرسول محمـّـد كلّ عام سرّاً) شو رح يصير ؟ نفس الشي ضجـّـة كبيرة و مبيعات بالملايين!
------
نقطة أخيرة ؛؛؛؛
أنا أؤيـّـد محمـّـد إبراهيم بكلّ كلمة قالها جملة و تفصيلاً.
®
|
بدك الحق ؟؟
انا يللي مؤيدك بكل حرف حكيتو هلاء بصراحة تحليلك عقلاني جدا ومنطقي ومبني عالعقل .
بخصوص كاتب الموضوع هو فعلا غرضو مادي (مابدا حكي) انا ذكرت برد سابق اني عندي المقدرة علميا ودينيا على اثبات ان فكرو ما سليم (عليا ودينيا)
بس هاد ما بيمنع اني اعرض فكرو هون.
بخصوص التطور مسطول حد رد هلاء الي بموضوع من اكتر من سنة
اقتباس:
كاتب النص الأصلي : مسطول على طول
|
كان الرد عن اثباتات لتزييف لدعن نظرية التطور وطبعا ما مجرد ادعاءات مني ولكنها مثبتة من قبل الغربيين قبل الشرقيين .
لاء شريك اذا الفو كتاب وحطو فيه معجزات انا اول واحد رح قلون كذابيين
العلم ما بيعرف معجزات !!!! وين راحت الفلسفة الدياليكتيكية !!!!!
يللي صرعوني فيها (حتى من كتر الصرع صرت احكي متلون ديالكتيكي ديالكتيكي ديالكتيكي !!)
بخصوص الاغراض تبع يعقوب (هاد نبي خلي بالك) عليه السلام المهم هي اغراض الربح التجاري
شباب ما احلى الروقان
شوية هدوء رجاء