اقتباس:
|
إذ تحرص على اقـتصاد الرفاهية وكذلك تحرصحرصا شديدا على الحفاظ على الهوية الثقافية والحضارية الأوروبية. فالأوروبيون ينادون بالأنموذج الاجتماعي كبديل لنظام السوق
|
هذا بحد ذاتو نقيض الليبرالية
الاقتصادية (عم نحكي عن ليبرالية اقتصادية و ليس فلسفة ليبرالية فكرية!!!!) و الليبرالية الاقتصادية بأوربا غير موجودة (أقصد دساتير الدول غير ليبرالية اقتصادياً لأنها تضع قيم مجتمع الرفاهية قبل كل شيء, و مجتمع الرفاهية مفهوم -انتي ليبرال- جداً).
الفرق كبير جداً بين الليبرالية الفكرية (من حيث قيم فكرية تتحدّث عن الحريات و الحقوق) و الليبرالية الاقتصادية (اللي تحكي عن حرية رأس المال و تعتبر أي تصرّف حكومي بالمال ضد هالحرية.... لازم المال يروح وين ما بدو).
اقتباس:
اذا كنا رح نصير سوق نصريف متل فنزويلا معليش أنا رضيانة...
|
هلأ فنزويلا سوق تصريف؟
اقتباس:
انا ياسين قلت دول الخليج ما قلت السعودية السعودية برأيي حالة خاصة .. يعني وزارة الثقافة الكويتية من أنشط الوزارات بالمنطقة ومالي بوارد ذكر أمثلة هلأ ..
مافيك تنكر النمو السريع والتجربة الاقتصادية المهمة لدول الامارات وقطر وحتى البحرين دول الخليج قبل خمسين سنة كانت صحرا وما فيها بنايتين ثلاثة ماني مبهورة بالمدنية تبعهون والي كتير كتير مآخذ عليهون بس لازم كمان ما ننسى النقاط الايجابية.. ونحنا هون ما فينا نقارن الوضع بأوروبا بس بالمقارنة مع انظمة الحكم بالمنطقة ككل فهنن بألف خير من كل النواحي.. حتى لو كانت هي النتائج اللي وصلولها دفقت سيول من الامول على امريكا بس هنن ما كانو قادرين لوحدون وببدويتون انو يعتمدو على نفسون
|
برجع اسأل, الخليج متطوّر؟
الخليج عبارة عن كم ملياردير نفطي مشغلين عندهون مواطنين و وافدين (و أحياناً ظروف تشغيل الوافدين شبه استعبادية), اقتصاد معتمد بشكل أساسي و وحيد على الموارد النفطية و على الاستهلاكية الوحشية.. بتعرفي انو دول الخليج خسرت خلال شهور الأزمة هاي أكتر من تريليون دولار رغم انو عندهون كل الامكانيات لحتى يكون اقتصادهون انتاجي و ليس استهلاكي؟
معليه وزارة الثقافة الكويتية و شو ما بدك كمان, هل الخليج يدعم الثقافة؟ الخليج يدعم مثقفي البلاط و يجمعو شعراء و كتّاب متل اللي يجمّع طوابع (لاحظي منيح.. مثقفي بلاط), و حاطينهون مجرد مظهر... الكويت لو طالع فيها واحد متل أدونيس كان مهدور دمو من سنين...
جد مستغرب كتير انك تحطيلي دول الخليج كمثال (تحضّر)...
