[jano.]

كاتب النص الأصلي : bki

اللي بيطلع ع خريطة الحسكة بيشوف إنو فيها كم هائل من الأماكن اللي بتبلش بكلمة تل, مثلاً تل هرمز, تل تمر, تل براك وهكذا, بس اللي مابيعرفو إنو كل تل هو عبارة عن موقع أثري ومكان لمدينة أو تجمع سكاني قديم ورغم هيك, بالحسكة بيستغربوا لما بيشوفوا زائر, يعني أكثر مدينة بالآثار بسوريا, وأقل مدينة بالسياحة في سوريا لك ولا تزعلوا, ماعنا حتى متحف آثار. يصح في سوريا مالا يصح في أي مكان أخر بالعالم

مشكور ع هالخبرية.

يا هلا فيك
معك حق، كل فترة عم يكتشفوا تل اثري جديد عدا عن التلال التانية المعروفة، فالمفروض يعملوا بالمنطقة متحف خاص بهالآثار... لكن هيهات...

كاتب النص الأصلي : yass

الجزيرة السورية, كجزء من بلاد الرافدين القديمة, هي مهد الحضارة الانسانية... و تعاقبت عليها من الحضارات القديمة ما لم يتعاقب على أي بقعة من بقاع العالم....


معروفة حكايات زيارة أغاثا كريستي للجزيرة السورية.. و للأسف كتير محلات من اللي وصفتهون تدمّرو, ان كان على ايد الحكومة أو على ايد بعض الجهلة من الأهالي ...

و كمان كتير اعجبت بموقع عين عروس, اللي هو نبع جميل جدا بيعمل بحيرة و جنبو في طاحونة مي من العصر اليوناني.. و للأسف بسبب الآبار الارتوازية و شح الأمطار هالنبع جف من سنين عديدة, و مكان البحيرة صار مكب قمامة

بحبشت شوي عن موقع عين عروس ولقيت هالخبر بجريدة الفرات بتاريخ 1-10-2006:
عودة عين العروس إلى الحياة
معناها صار بدها عزيمة يا أبو مارال ... وحدّ العين كمان
عدا عن شح الامطار، الآبار الارتوازيّة سببت ضرر كتير كبير. على اساس تراخيص حفر الآبار ببعض المناطق ممنوعة بس كل مين معو يدفع برطيل كان فيه ياخد رخصة بسهولة...