[أبي الحروف]

faysal_20.jpg_200_-1.jpg

بدايا بدك تحضر
http://www.youtube.com/watch?v=vqp03MbvqUU
و تجي لهون بعد ذلك ..

التعقيبات:

• 1- طبيعي تكون الجارديان بتمثل تيار و التايمز والنيويوركر و غيرهم وغيرهم ، الطبيعي هوي انو الوسائل الإعلامية تمثل تيارات فكرية ما ... اذا الوسيلة الإعلامية ما مثلت تيار فكري / إيديولوجي ما ، بكتير بساطة بتكون وسيلة إعلامية غوغائية و بايخية !! .. جريدة كل مين ايديو قلو مثلا، تلفزيون خدني جيتك .. ولاقيني ع المفرق !

• 2- بيتهم الأميركان قال يابا انو على الرغم من انو عندون 10ألاف تلفزيون و مجلة و غيرو بتلاقي اذا شفت النشرات شيتهم الكل يابا بنفس الخندق وكأنو برئيس تحرير واحد ..

بدايا هذا افتراء ما بعده افتراء، فإنت و انا و نص الوسائل الإعلامية العربية بتستقي أخبارها من الأميركان، نفسها الجزيرة بتجيب XX من اخبارها من رويترز .. وغيرها وغيراتها .. (هذا واحد)..
غير ذلك ، في حرية تعبير و في تعددية صحافية وفكرية وغيرها ، بس اكيد بالنهاي بخندق واحد بيصبو، وهذا ما بيعيبهم انهم يكونو كلهم بخندق واحد دام الخندق هذا نظامي معلم ..
يعني خود مثلا ، الإحتباس الحراري، انو يابا الإحتباس الحراري كل الصحب و الوسائل الإعلامية عم بتقول ورح بتضل تقول انو هذا شيئ مش منيح .. ولازم نتخذ اجرائات فورية للحد منه الخ الخ .. (اي شو يعني ، يعني اذا كلون كانو عم بيوقول نفس الحكي بنفس الخندق هيك ، هل يعني انو مافي تعددية ولا في حرية فكرية ، ما احلاه والله شي تلفزيون يطلع هيك ضد معالجة ظاهرة الإحتباس الحراري .. )
مسخرة ..

• 3- قال شو سماع هالنكتة البايخة الي اذا بتدل على شيئ يعني بتدل على بساطة وسزاجة وبلاهة معلوماتية بحتة !! يقول فيصل بيك

  " الكثيرون لا يعلم ان مفتاح الإنترنت موجود على ظهر احدى حاملات الطائرات الأمريكية التي تجوب المحيط

  "

شو بدك تقلو ، ؟؟؟ بالله يعني مفتاح الإنترنت .. (لك الزلمي عم يحكي بجد و مفتكر انو النت ليها مفتاح شيك شاك بتحطو بتفتح النت بدولي ، بتشيلو بتفصل النت عن دولي.. يا حول الله يا رب.. )
للتنويه فقط ، لو اليوم اليوم تحديدا غرقت اميركا هيك من عند المولى اجا زلزال ضخم وغرقت امريكا ، رح تهز الشبكي النتية هزة او تنتين بأكدلك ، بس بأكدلك كمان انك رح تسمع الخبر من على النت !! ورح تشوف الخبر على جوجل ايرث على النت ، لو غرقت اميركا كلها .. النت تقنيا و انفراستركتشر ما عادت مربتطة بأي حال من الأحوال بأي دولة ، (بالمجمل، هو هناك مواقع نتية مرتبطة بدولة ما ، خدمات نتية مرتبطة بدولة، بس النت بحد ذاتها غير مرتبطة بأي حال بأي دولة ، ولا ممكن تصير هيك ، لإنو ببساطة تقنيا ما عاد ينفع يصير هيك اليوم..)

ثم يتابع الفيصل ليقول" انت ترى حينما تكتب العنوان انك هناك بروتوكول HTTP وهو تزهب إلى اميركا و من ثم تدخل على الموقع "
يريد فيصل بيك إعادة رسم بروتوكولات الشبكة على ما يبدو .. بروتوكول HTTP HyperText transfer protocol هو بروتوكول لطريقة نقل البيانات فقط ، متل لو اخدتها بالأرض مثلا بدك تبعت الرسالة بالشركة الاهلية للنقل ولا بالقدموس؟؟؟
فيك تبعتها بالقدموس و توصل بس ما اكيد توصل لإنو القدموس فرضا مخصص لشحن البضائع
لو بعتتها بالأهلية اضمنلك لإنو مثلا عندها خدمة توصيل مضمونة
هيك بروتوكولات النت (هيي برتوكول في نقل الداتا ، بش بروتوكول لوين تروح الديتا هاي )
يعني HTTP بينقل البيانات "بالعربي بالتيكست المشبع ، الي هوي انو كملفات نصية مشبّعة -مشبعة يعني فيها مثلا ترميزات معينة"
HTTPS (بآخرو S بينقل الملفات بنفس HTTP بس بيكون النقل Secure بيتم تشفيرها بالنقل وفك تشفيرها هونيك بالإستلام وهيك)
FTP يعني File Transfer Protocol كرمال تنقل فايلات ..

• 4 - يتهم السيد الفيصل "مشيرا على ان ذلك شيئ مشين يعني" الأميركان بالجهل السياسي (كشعب) و الجهل بالسياسة الخارجية على وجه التحديد.. وهذا ليس سر يفشيه حضرته ، هذا امر معروف للأميركان قبل غيرهم .. بس لا يعيبهم بشيئ هذا ... بنوب يعني !!..

الي بيعبك و بيعبني يكون شعبي كلو كلو بيفهم بالسياسي ومحنك للركب سياسيا ، و محكوم بنظم دكتتورية مستبدة ... وما عندي 1% من الديمرقاطية شيت الأميركان و الغرب اجمع و لا 1% من التطور التكنولوجي والعلمي الخ ..

بيعيبني يكون بعادي اميركا و بستورد منها من ابرة الدواء لماوس الكمبيوتر..
الي بيعيبني اني كون بفهم بالسياسي و كون يابا سجوني معباي معتقلين سياسيين !!، هدول بيعيبو شعب .. الشعوب تقاس بما تقدم للحضارة و ليس بمدى فهمها بالسياسة الخارجية او عدمو (يا فهمان انت!!)

(يا ريتنا" العرب "ما منفهم بالسياسية الخارجية ولا شعرة و عنا ربع ربع بس الإنجازات على الصعد العليمة الحقوقية، الأدبية الأخلاقية، الإنسانية الي عند الغرب.. لو بلادنا ربع بلادهم بأي صعيد كان ، شو ما بدك ، اقتصاد ، علم ، حرية، تعددية ، تسالي حتى .. )

• 5- يقول فيصل

  "مشكلة بالغرب.. هناك كم هائل من النفاق.. انا اتعجب حين ارى سيدة بريطانية او غربية تهتم بكلبها اكثر مما تهتم بشعوب افريقيا ..."

.. له .. بيشرفك عم تتعجب ..
ما عم بفهم شو الي عم بيثير استهجانك بهال الظاهرة مثلا؟؟ او شو الغريب فيها او شو الي ما عم تقدر تفهمو ؟؟
انا نفسي (و بعرف كثير من شاكلتي ضالين هيك -لا حتى ما بعرف غير الي من شاكلتي ) بيهمني هامستري .. او كلبي او اي كان من خاصتي.. اكتر بألف مرة من شعوب افريقيا من الولد البرازافيلي الجوعان ، ولا الصومالي المجعلك ولا الكونغولي المطعوج ؟؟
انو هذا ما شيئ للإستغراب ولا شيئ مستنكر هذا الأمر الطبيعي معلم..
حتى اكتر من هيك مافي اي لزوم اي حدى يهتم بالأفارقة و مجاعاتهم بعد هلق بنوب .. (من فترة لا بأس فيها اخدنا احنا الأسرة البشرية هال القرار و بلشنا نخفف انسانية تجاههم ، ما عدنا عم نعدهم من الأسرة البشرية اصدي ..)
الموضوع كتير يسير وبسيط حبيب القلب..

في واحد افريقي كحياااان .. ما معو ياكل ، ما معو النغلي.. عارف النغلي .. اي ما معو النغلي وميت من الجوع ..
ورغم هذا كل 9 شهور بيبظ ولد .. و بيطلع هيك بالعالم الغربي والأسرة البشرية بيقلهم شوفو .. شوفو كيف احنا فقرا وما معنا ناكل .. شوفو كيف ولادنا عم بيموتو الجوع ..

يا هذا انت يا افريقي كحيان جوعان .. انا كفرد بهال الأسرة البشرية بحب عبرلك عن شعوري بالإمتعاض الشديد من حضرتك ، و بحب خبرك ، انو انا و باقي الأسرة البشرية ما مضطرين بنووووووووووووووب بنوب نتحمل نزواتك الجنسية بعد هلق..

ما كل ما واحد كحيان ما معو حق اكل لحالو، نام مع وحدي من شاكلتو ، و نسي يحط واقي ذكري، ولا ما بدو -كرمال يابا شي سبب مثلا- بدها الأسرة البشرية تتحمل العواقب ..
هذا الولد الأفريقي الجوعان الي عم بتصورلنا ياه على انو يابا شوفو .. شوفو اوضاعنا .. وشوفو بزكاتكون شو فيكم تعملو ..(مع خمس ليرات؟ )
هذا ما عاد يفرق معنا بشي.. صرنا قايلنلك الف مرة ، لمن ما معك تاكل وتشرب ما تجيب بهايم على شاكلتك و تعلقون على شماعة الأسرة البشرية بعد هلق..
بطل فينا نستحملكم .. بطل فينا نستحمل نزواتكم الجنسية .. (يا اخي نامو مع بعض ما حدى راددكم ، بس في الف اسلوب كرمال ما تحول الموضوع لتكاثر بالبرعمي.. )

احنا "الأسرة البشرية" منفهم انو في فلان اتدهورت ظروفو الإجتماعية او المادية و بحاجة لمعونة ما ، منفهم انو في بلد ما مجتمع ما .. بمكان ما صابتها كارثة من قبيل تسونامي او ما اليها .. و رح نفضل عم بنساعدون و دوم .. بس ما عدنا عم نفهم ليش انتو الأفارقة دامكم من كذا قرن لهلق جوعانين ، ليش بعدو لهلق عندكم اعلى معدلات انجاب، وليش لهلق بعدكم بتبظولنا بهال الأولاد و بتعلقوهم على شماعة البشرية هني ومجاعاتكم ...

رح يفضل كلب اي منّا اهم من ولادكم (بالنسبة لنا ..) كلشي وولادكم عم يجو بطريقة اسوء من الطريقة الي بيجي فيها كلبنا .. على القليلة كلابنا ما بتجيب ولاد اذا عارفة رح يموتو من الجوع .. على القليلة كلابنا ما عم بتعلق جراويها "الي بيجو من نزوات كلابنا الجنسية " على شماعة البشرية ، وما عم بتطالب المجتمع الدولي يتدخل لإنقاز جروايها .. و عرفاني كلابنا انو اذا ماتو ولادها من الجوع ، فهذا لإنهم بيستحقو يموتو من الجوع .. او الأصح لإنهم ما بيستحقو الحياااااات من اساسو ..

فحاجي عاد افريقيا وحاجي عاد تخلف ومجاعات .. ما بدنا ياكم بقا تتشعبطو فينا احنا منمدلكم ايدنا تنسحبكم لعنا ، فبتمسكو ايدنا و بتسحبونا لعندكم .. بدل ما تشدو حالكم وتطلعو لفوق ،كل مالكم عم بتشدونا لتحت ..

------
الحقيقة لفترة قصيرة كنا منقول الجزيرة _الفضائية يعني كمؤسسة_ فاضل فيها اثنان ، فيصل القاسم و غسان بن جدو ، (على اعتبار الأخرق المصري ابو نضارة سقـــــيل بهلواني بنظرياتو المؤامراتية و خلفية الإخونجي، والفلسطيني ابو شعر ابيض بيضرب ع العصب هوي وقلمو البيضل يلعب فيه ..-اصدي طبعا منصور و حداد - )
بس اليوم بعد ما تابعت عن كثب http://www.fkasim.com (موقع القاسم الرسمي) و مقابلاتو الفزي .. مدري هوي متأثر بالبهلوانيين الدونكيشوتيين الي بيجيبهم على برنامجو مدري هوي هيك من الأساس و لهيك ما بيستضيف غير البلهولانيين (استثني البعض القليل للحق والباطل)

هلق فاضل واحد و بنسكر القناة .. فاضل بالجزيرة الآن غسان بن جدو .. الوحيد الي فيك تحضرلو اي برنامج بأي شي انشاء الله عم يشرب متي و يفصفص بزر بيسليك و بيفيدك لإنو مهني ، بيحترم حالو و بيحترم الي عم بيحاورهم و بيحترم المشاهد و بيحترم المهنة تبعو .. (طبعا لو استثنينا المزيعات الكول الجداد على اعتبار لسع ما مسكو برامج ثابتة .. ) + لو اثنثنينا كمان "حافظ الميرازي و عبد الرحيم فقرا __الي مدري ليش صار عم يطلع محل الأول__ برنامج من واشنطن" لإنو للأسف **** .. كلمة واشنطن بتضربلون ع العصب فما بيحضور البرنامج من اساسو غير القلة القليلة الي بعدو عصبون بيستحمل ضرب..