[personita]

كاتب النص الأصلي : flower bomb

شكرا هدهود..
لا تلوموني فيها"بحبك"
طيب بخجل ما اعرفها..
عندك خيارين :
راسليها انتي
اطلبي منها تحط لي رد هوووووووون

كاتب النص الأصلي : h13free

صباح الخير
رح تقولي شو جابها هادي شو علاقتها بالترجمة ؟ والله بحب الترجمة كتير بس العين بصيرة والايد قصيرة وانا ما عندي قدرات تخليني ادرس فرع ادبي
بس حابة انصحك بصديقة بعرف انو متخصصة ترجمة طيرلها رسالة خاصة وقوليلها انك من طرفي وان حسيتي نصيحتها مو كاملة قوليلي اقتص لك منها
الصديقة هي السنفورة الشاعرة



personita

و personita السنفورة المستشعرة اجت على جناح السرعة !
عزيزتي فلاور، الترجمة، زيادة على أنو لازم تكوني بتحبيها، بتتطلب حس لغوي عالي جدا و مهارة في اللغتين معا: اللي عم بترجمي عنا و اللي بترجمي الها.
هلا أنتي أكيد بتعرفي انو داخل الترجمة، في اختصاصات كمان، لأنو مش نفس الشي ترجمة أغنية بتحبيها، كترجمة نص تقني مليان مصطلحات مهنية، أو علمية، أو عقد رسمي إلخ.. و هاي الشغلة بدها مراس، يعني كل ما ترجمتي نصوص و من مختلف الأنواع، كل ما زادت خبرتك في ها المجال.
و كمان بتعرفي انو عدا ترجمة النصوص الكتابية في الترجمة الفورية (أو المتتالية، حسب).
أنا حاليا، بشتغل بالترجمة الفورية، بس كتير ترجمت نصوص (أدبية، دينية، تقنية..).
المشكلة اللي رح تنطرح هي، إذا بدك تفتحي مكتب ترجمة رسمية، لازم يكون عندك اختصاص الترجمة (مش لغات)، على الأقل هون، باسبانيا هيك. يعني أنا ممكن أترجم نصوص أدبية، بس ما بقدر أترجم نصوص رسمية،إلا عن طريق وكالة ترجمة أو مؤسسة تعملي عقد حتى لو كان المترجم اختصاصو مش عربي مثلا، بس هو ترجمتو قانونيا معترف فيها، و ترجمتي أنا لا، فشو بيصير؟ اللي بيصير هو إنك انتي بترجمي، و الشركة بتحط الختم (وطبعا بتستغلك أبشع استغلال).
هون في طريقة كمان ممكن تخولك تفتحي مكتب ترجمة خاص فيك، و هي التحليف، بالنسبة لاسبانيا، بيطلبو إجازة (اختصاص لغات) لاجتياز الامتحان، بالنسبة ليلِّي عندهم إجازة في الترجمة، بيقدمو طلب من دون امتحان، يعني مجرد إجراء قانوني مشان يصيرو محلفين.
و إذا بدك أي معلومات تانية، برسو جاهزة و لا تروحي على هدى لتقتص مني!