اقتباس:
كاتب النص الأصلي : اسبيرانزا
حق كل سورى يقول هالحكى ؟
الله وكيلكم مآسى الوحدة كانت ع الكل
|
الماساة ما كانت ماساة الوحدة بمعنى حصول الوحدة السورية المصرية
هي صح الها كتير سلبيات ويمكن ما كانت صحيحة
بس مو هيي النقد ع شخصية عبد الناصر
وانما تعامل عبد الناصر وطريقة حكمو... يلي ما كانت (برايي طبعا) مع المصريين افضل ما كانت مع السوريين
كلو اسوا من بعضو
عبد الناصر كان بدو يصير قائد عام لكل الدول ... وهيدا حققو من خلال شهرتو بالشعوب العربية كلها
بس يلي عانى من اثر هالشي كانو الشعبين السوري (لمدة والله الحمد مو طويلة ) والمصري يلي لسا عم يعاني
من لما بلش بقانون انو الديمقراطية اسلوب فضفاض وبلش الانقسام بعد الثورة
لوقت هاجم الاحزاب بغض النظر شو توجهاتها وشبه عمل عملية بتر الها
لتقييد الحرية الفكرية وحرية الكتابة
لتسميتو السادات كرئيس من بعدو
يعني بالمجمل عسكري .. وفقط... والدولة مانها كلها جيش وعسكر
غير نفسية الهزيمة يلي ورثها للشعب المصري من خلال مغامراتو