[Joe]

كاتب النص الأصلي : Dr_HUS

والله يوم بدها تهجم اسرائيل على سوريا وتدخل ايران (مثلا وجدا وفرضا) بجيوشها في الأراضي السورية منشان اتدافع عن السوريين
فانا لما شوف جندي ايراني بدي اضربلو تحية وقتها !؟

هذا فرضا هجمت اسرائيل على سوريا.. واتدخل ايران
طبع تعى لقلك

اخي بدون ما يصير اي هجوم ولا شي
اذا اجت ايران وقالت لسوريا يا جماعة احنا معكم بنفس الخندق
وحابين نبعتلكم شي كام الف جندي على كام الف مدرعة يصفو على الحدود السورية بالجولان منشان لا سمح الله لو هجمت اسرائيل عليكم
نتصدى ليهم احنا ..

بالله العظيم واللأمانة لالله
ما بتصير تضربلو تحية للجندي الإيراني كل ما شفتو بمنامك؟
انا عن حالي
بيجوز حط نشيد ايران الوطني نغمة موبايلى لو صار هيك ..

فما بالك بلبنان الي مو بس معنى بنفس الخندق
لك هدول على الحدود مع اسرائيل مباشرة
2- كانو بحرب اهلية هني نفسو ما قدرانين يسيطرو على نفسون ولولا التدخل السوري كان في كوارث حتصير
3- هني بملئ ارادتهم وبكل محبة وباجماع عربي طلبو التدخل السوري
4- بعزقنلانا مدري كام مليون على مدري كام الف جندي كرمال عيونون ..
5- كسبنا من كل هذا الكره اللبناني لسوريا وصار كل ما دق الكوس بالجرة بيحطوها بضهر سوريا مع انو لا منفهم بالكوس ولا عنى جرة,,,

فعلا شي محزن يكون في سوريين بيفكرو بهال الطريقة !؟

أخي حسام
هادا كلام نظري كتير
أولا أولا
ايران ما بتحبنا لسواد عيوننا.. و لا حتى لوجود مصالح مشتركة بين "الشعب السوري" و بين "الشعب الإيراني". لو كان هادا الشي موجود فاهلا و سهلا بالعلاقات السورية الإيرانية
إيران تحب سوريا بسبب حزب الله فقط. لان إيران تريد نشر الفكر الاسلامي الشيعي في المنطقة و تقوية نفوذهم. و وقوفهم مع سوريا سيكون مثل وقوف الاتحاد السوفييتي مع شي دولة شيوعية صغيرة

من هادا المبدأ لوحده. انا غير متحمس أبدا للعلاقات الايرانية السورية

ثانيا,,,,, شو نحنا كل مالنا بدنا نرجع لورااا؟؟؟
ايران دولة اسلامية متخلفة بكل معنى الكلمة من نواحي حقوق الإنسان. النساء في إيران يتعرضن للرجم و الجلد كعقوبة إعدام في حال ارتكاب "الزنى". يعني في حالة وحدة حبت واحد و ناموا مع بعض... غالبا ترجم المراة و الرجل ينفد طبعا. من هذا المبدأ ان أرفض أن أقيم علاقات مع دولة أدنى منا و دولة دينية بحتة. بدل ان ننظر للامام نحو علاقات حضارية مع أوروبا و أميركا... ترانا نتقوقع على نفسنا نحو مزيد من العنف و التخلف!!

هذا كان السبب الثاني

السبب الثالث
هو أنه و بغض النظر عن النقطتين الاولى و الثانية... يعني لو كانت أيران دولة صديقة بكل معنى الكلمة لسورية و بيننا حدود و تاريخ مشترك... مثل تركيا مثلا.. و لو كانت دولة متحضرة محترمة على مستوى المجتمع الدولى... فأنا أيضا لن أرضى ان يبقى الوجود الإيراني في سوريا للأبد.. و ان يقوم الملى الايراني اية الله بن رفسنجاني.. او غيره... بان يتحكم بالدستور السوري.. و يغيره... ثم ينشر مخابراته في أنحاء سوريا... و تتحول سوريا لأكبر بوابة لتجارة المخدرات في المنطقة
وجود احتلال اسرائيلي ليس مبررا أبدا أبدا ان يدخل جيش آخر إلى بلدنا... هذه اكبر غلطة قد ترتكبها حكومة ما... خاصة ان إسرائيل ليست محتلة لبنان في الوقت الحالي... بل فقط قد يكون هناك "تهديد" او احتمال دخول اسرائيلي. أنا غير مقتنع ابدا ان اسرائيل ستحتل لبنان بعد خروج الجيش السوري!! لأننا ببساطة لا نعيش في ذلك الزمن بل الأوضاع تغيرت و من غير المعقولة ان يحصل هذا الان

ببساطة ... إيران و حزب الله ليسوا من طبيعتنا و هم دولة و ميليشا مبنية على اساس ديني و لا يشرفني أبدا هكذا علاقات

يعني لا والله انا ما بضربلو سلام للجندي الإيراني و حتى لو حصل و ساعدنا في حرب ما.. فلا يعني ان يخيم عندنا لدهر و يتحكم بالدستور