[abu 7meed]

كاتب النص الأصلي : Madmax

اذا ما استطعنا في سوريا تحرير أنفسنا ( لظروف معروفة ) .. هادا ما بيعني أنو ما نحيي أي قوى تحرر في كل العالم

بعدين بالرغم من كل سلبيات و فساد حكومة العطري ..... بتوقع تشبيهها بحكومة السنيورة هو خطأ كبير

مزبوط ووضعك مشابة لوضعي بالضفه الغربية (لظروف معروفة ) ولكن لايمنع ذلك من اني حيي المقاومه في غزة ولبنان وكل التحية لهم

وبالنسبة لحكومة العطري الحكي صحيح وخطا التشبيه والرد على صاحبو اللبناني هو الفارق الوحيد بين الحكومتان ان حكومة السنيورة متعاونة و عميلة لامريكا واسرائيل اما العطيري فلا
اما باقي افلام الفساد والنهب والسلب في من الصفات الطبيعية المصاحبة دائما للحكومات العربية بالاغلب ....عدا السودان حكومته هي افضل الحكومات العربية الحالية في نظري

كاتب النص الأصلي : ayhamm26

اي كتير منيح ولايمتى برايك رح نضل نحيي قوى التحرر بالعالم وحقوقنا قدام عيونا مهدورة؟؟
الجولان ما فينا نحرروا لظروف معروفة بس شاطرين نفتخر بانتصارات غيرنا وارضنا من 40 سنة محتلة
سياسة النظام ما منسترجي باي طريقة نعترض عليها كمان لظروف معروفة بينما شاطرين بس نعترف بحق غيرنا بالمعارضة والتظاهر و الانقلاب على الدولة بينما نحني اذا الواحد كتب مقال بالانترنت بيحاكموا بتهمة تغيير الدستور

خيو العيب فيكن شتغلو من جوا بطريقة سرية ... شوي شوي غصب عن يلي ماكل حقوكم رح تكبرو وتدعسوعليه
هي حركة حماس متلا نشأت في ظل الاحتلال وكانت حركه بسطية وكانت ولا زالت ملاحقه من قبل الاحتلال ... لكن ارادتها وصمودها واصرارها على الوقوف جعل صوتها وفعلها فاعل في الساحه رغم انف العملاء و العالم كلو
وحزب الله نفس الشي ... الحكي والكتابة والتحريض ما بينفع انو بس نتشاطر فيه ونترك الفعل لسوبر عربي المنتظر ليجي يحل القصص ... دائما لازم يكون في تحرك على الساحه ولو بالخفاء لتلافي قمع الحكومات ..

منرجع لسوريا...... بتقدر تقلي ليش مثلا الحكومة اللي عم تحكي عنها لازم تعالج ازمة الاسعار؟؟؟ في حدا اعترض؟ في حدا طلع مظاهرة؟؟ في حدا عمل او حتى فكر يعمل اضراب؟؟؟ في حدا خطر ببالو يحتج باي طريقة كانت؟؟؟

ليش خيو بسوريا الديمقراطية حدا بيسترجي يحتج على اي قرار للحكومة ؟! بمجرد التفكير في ذلك يكون الشخص المفكر اصبح في خبر كان
بس برضو مو انو ازا ماحدا حتج او عترض يكون مبرر لتلعن الحكومه ابو الشعب يعني برضو هالحراميه يخفو شوي ويراعو وضع الشعب ... يزوئوا ويخففو نهب

يا ترى بشار الاسد بيخاف مثلا بالاستفتاء الجاي الناس ما ينتخبوا لو ما عالج قضية الاسعار والحريات و الوضع العام بالبلد ؟؟ اكيد لاء لانو عرفان انو ما حدا بيسترجي يقلو لاء

بشار يا اخي محبوب عند اغلب السوريين في داخل سوريا مو بخاطرهم بل غصب عنهم وبالصرماية والدليل كلو بيكتبلو كلمة ((منحبك)) هو بالاغلب يمكن حب اعمى او يمكن حب ظاهري لدفع البلا تبع سيادة بشار و اعوانه ...و طبعا في جماعه اكيد بحبو بشار شنو منتفعين باللليرات والصلاحيات اللي معطيهن ياها
واللي مارح ينتخب بشار مصيرة معروف ... يمكن يندبح مثل الخاروف ... ناهيك عن التزوير العربي المعروف في الانتخابات سواء انتخبت الرايس او لم تنتخبة فالنتيجه واضحه بفوز الرايس قبل الانتخابات بسنوات

كاتب النص الأصلي : phoenixbird

طيب والحل ترتفع الاسعار ويلتعن نفس الشعب والعالم ساكتة ؟

خيو مافي حل شنو اذا سؤل احد المسؤلين السوريين عن هالوضع وحله يكون الجواب مافينا نعمل شي الا نصبر ونصمد وبحطوا اللوم على الحصار المفروض وعالوضع في سوريا وبحطو اللوم على الغلاء العالمي للاسعار .... نفس الشي بفلسطين صار مسؤل السلطة اللي بيسرق او بيرتكب جرائم او يسأل عن وعوده التي لم ينفذها يبري نفسه و يلقي اللوم عالوضع وعلى الحصار وعلى الاحتلال ..والحقيقه المرة غير ذلك
...مابعرف بس بشوف انو الحكومات وكانها بتوهم الشعب بانو رح يجي وحي من السماء يحل كل المشاكل والواجب على الشعب هو انتظار هذا الوحي والابقاء على الحكومات كما هي لحين قدومة ويدعون الشعب للصبر
مع ان المشاكل سببها الحكومة وحل المشاكل بيدها

كاتب النص الأصلي : بيبرس تركمان

الدرس الذي تعلمته كمواطن سوري هو القناعة التامة بأن العالم لن يرتاح و الخراب و الفوضى في الشرق الاوسط لن ينتهي الا بتغيير النظامين السوري و الايراني.

هي وجهة نظر امريكيه استعمارية يا اخي ... شنو النظام السوري والايراني معارضين و معاديين لاسرائيل فيجب القضاء عليهم ... هيك الامريكان بتفكر وبتخطط لهاد الشي فانا بخالفك الرأي .... اذا بتذكر كان مع قائمة النظاميين السوري والايراني النظام العراقي
فهاقد انتهى النظام العراقي ... هل ارتاح العالم وهل انتهت الفوضى والخراب في العراق بعد ازالة نظامه كليا!!!!!
انا مع تغير او اصلاح الانظمة لكن لست مع تغيرها باستبدالها بانظمة تابعه للغرب مثل مصر والاردن والسعودية ..الخ تتحكم بهم وتسييرهم عنزة جرباء مثل رايس


.............
بالنسبة لحزب الله والاحداث بالساحه اللبنانية الجارية
حزب الله هو حركة مقاومه هدفها هو الدفاع والوقوف في وجه العدو الاسرائلي و الذي يقوم به الحزب حاليا في لبنان هو دفاع عن النفس من عملاء اسرائيل شنو اسرائيل ماقدرت تقضي عليه بحرب 2006 فلجات لتدميره من داخل بلده على يد العملاء من اللبنانيين بغض النظر شو انتمائهم الطائفي او الديني شنو العميل ماعندو دين او طائفه او مبدأ
انتم في سوريا حكومتكم والرءاسة ليست عمليه لاسرائيل لكنها صاحبة حق فلماذا لا تدافع عن حقها المحتل من قبل اسرائيل _يعني الجيش ليش ما بيهجم وبحرر الجولان _ طيب نعتبر انو الجيش ما وظيفتو يحرر هيك ارض متل الجيش اللبناني وموقفو من مزارع شبعة التي حررها حزب الله شو المانع من نشوء حركة مقاومه سوريه مثل حزب الله !هدفها نفس هدف حزب الله ولتكن جبهتها على ارض الجولان تمهيدا للتحرير مثل مزارع شبعا اللبنانية التي حررها حزب الله ولم يحررها الجيش اللبناني !

السبب بسيط شنو بينخاف هيك حزب بيوم من الايام يصير من المعارضه السورية ويتبع طريقة حزب الله
ولان الجيش اللبناني والسوري وباقي الجيوش العربية هي موجودة للحفاظ على امن سيادتو وبس
ومنظر قدام العالم ال يعني هي عنا جيش ...