[قمح]

Torrent

مرحبا يا اصدقائي .... هاد الموضوع بعتقد أنو كتير مهم لرواد هادا القسم بالذات وهو موضوع التورنت وهون رح اشرح شو هو التورنت وكيفية استخدامو ومستعد لأي استفسار

هلأ كبداية أنو شو هوي التورنت ؟؟ التورنت عبارة عن امتداد لملف معين بيرتبط ببروتوكول لتبادل الملفات يعني ببساطة واحد بيرفع ملف متل ما بيرفعو ع الرابيد شير مثلاً بس الفرق انو مرفوع بصيغة تورنت ....

طيب اذا متل الرابيد شير شو استفدنا ؟؟
الفرق هو أنو التورنت أسرع من الرابيد شير ومجاني يعني ما بحدد السرعة والأهم أنو بتقدر تكمل الداونلود وقت ما بدك يعني مش متل الرابيد شير والمواقع التانية اذا قطع النت بروح كل شي حتى لو صرت منزل 90% من الملف

هلأ كيف بنحصل على ملف تورنت لأي شي ... متل فلم أو برنامج معين ؟؟
يا أما بتكون مشترك بموقع تورنت وهاي في منها مجاني وفي منها باشتراك او دور عليه بالجوجل
Google it ya man
وهاد الملف بكون حجمو صغير جداً لأنو بيرتبط بالهدف المطلوب بروابط اسمها trackers

وطبعا كل ملف الو مميزات لما تدور عليه ....
هلأ في ناس بيعملو download للملف اسمهم lechers
وفي ناس بعملو للمف upload اسمهم seeders
اللي بعملو upload هم اللي بيفيدونا بالسرعة .....
ف لازم يكون في الو عدد seeders منيح ... وأقل lechers

هلأ شو بدنا بهالحكي خلينا نعطي مثال وبصير كل شي واضح ....
بس بالأول لازم ننزل البرنامج تبع التورنت وهوي برنامج صغير جدا وما بأثر بشي عالجهاز واذا صرت مدمن تورنت لازم يكون عندك
http://download.utorrent.com/1.8.2/utorrent.exe

هلأ البرنامج صار عندك .... لازم نجيب ملف للأشي اللي بدنا اياه

عن طرق ال google أنا كتبت التالي :
slumdog millionaire torrent
يعني بدي فلم slumdog millionaire بصيغة تورنت

واخدت اول نتيجة من البحث ... والنتيجة جاية من موقع مشهور بالتورنت وهو isohunt.com
هلأ طلع مجموعة من الملفات والها مميزات هلأ شوفو معي اول ملف اللي اسمو
Slumdog.Millionaire.2008.DVDSCR.XViD

هلأ مكتوب على يمينو حرف L بدل على Lechers و حرف S بدل على Seeders حبايبنا وهون
عددهم 7610
يعني كتير منيح

هلأ نزل الملف اضغط عليه مرة وبعدين اختار download torrent
ونزل الملف ع الجهاز ورح ينزل بسرعة لأنو كتير صغير ....

هلأ شغل الملف من عندك طبعاً رح بشتغل ع البرنامج اللي نزلناه اللي هوي utorrent
وبعدين رح تلاحظ انو الملف بلش ينزل وشوف السرعة كيف حسب سرعة جهازك يعني رح يوخد اكبر قدر ممكن من السرعة عندك ....
بس رح يصير بطأ بالنت اثناء التنزيل لأنو التنورنت بسحب كل السرعة وهي الحلو فيه .... وقت ما تحب افتح الملف وكمل داونلوود حتى يخلص ....

هلأ أي سؤال أنا حاضر ....