[Joe]

يعني انا يلي بشوفوا انو البلد ما ناقصها لا إخونجية و لا خمينيين... ما ناقصنا رجعية و سلفية و احزاب دينية

و انا شخصيا ضد هل علاقات مع ايران و ماني شايفها غير متل المثل يلي بيقول الغريق بيتعلق بقشة... يعني نحنا هلأ صرنا صحبة مع ايران مو لانو إيران بتحبنا كل هل قد.... هاي الشغلة من مصلحة ايران مشان تمد نفوذها الشيعي على المنطقة ان كان عبر سوريا او العراق او شو ما كان.... و ثم ايران الدولة الوحيدة يلي لسا عم تعترف فينا... حكومتنا الرشيدة نجحت نجاح باهر على مدى عشرة عشرين سنة على عزل سوريا نهائيا عن العالم و صرنا يمكن منبع الشر بهل العالم الله وكيلكون.... بقى نحن لوين بدنا نروح لسا؟؟ كيف بدنا يكون مستقبلنا؟؟؟ هادا هوي السؤال يلي لازم ينطرح

نحنا بدنا لسا مزيد من الانغلاق و نتمسك بايران و نبوس قفى الايرانيين و نعطيهم شقفة من أرض سوريا مشان يعملوا محج شيعي؟؟

لما بدنا عاد نصير بشر متل العالم و نعرف ننفتح على العالم و نطور سوريا و يصير في تعليم و حرية و انفتاح

يعني انتوا نفسكون يا جماعة الحرية و الثورة كيف داخلة ايران معكم بالمعادلة ما بعرف... هلأ صارت ايران يلي حاكمها النظام الخميني و يلي بيقمع الحريات و النساء و الفكر هلا صار هوي المنقذ... يعني مثلا شو اخر الخط مع ايران؟؟

فرق كبير كتير بين "خبراء روس" ساعدونا بتعمير سد الفرات و علموا شبابنا و دكاترتنا بموسكو... و بين تدخل ايراني شيعي عسكري متخلف ما معروف وين اخرته

يا حبايب صحصحولي هيك و اتطلعوا منيح... لك شو ايران ما ايران... شبنا!!