[BL@CK]

يازلمة لو ما كنت انا من حلب كنت افتكرت عما تحكي على شي دولة من رتبة " سوبر " عما تهاجر عليها العالم !!
طلاع على الجامعة لتشوف الحلبية " اقلية قليلة جدا " اغلبية طلاب الجامعة من خارج حلب وبالتحديد من ضيع حلب ... فأيا جهل وأمية عما تحكي علين ؟ وهجرة الريفي للمدينة شو عما تأثر على الوضع ؟

بخصوص الشوفيرية الضيعجية اللي ام الجود حكت علين " حيدرية وطريق الباب وبقية الشلة اللي انشكت على تقاطعات شارع رعاية الشباب "
شو ربط السرافيس بأهالي الضيع ؟ ليش الحيدرية ضيعة بحلب على علمي منطقة من حلب متلا متل البقية
اذا بدنا نحكي على حلب بألوانا الطائفية .. منقدر ببساطة تمييز المناطق لأن كل طايفة او مجموعة متكتلة على بعضا ومحتلة منطقة معينة .. بس هاد ماله إي علاقة بعمليات السلب والنهب والقتل اللي محطوط الرابط تبعها بالمشاركة الأولى .

أخونا حضرتك فيك تنزل على طريق الباب على سبيل المثال قلوّن أنا "أبو توني" شفلي كم ولد رح يركدو وراك و يدقولك بالتنكة .

شوف لأحكيلك أزا إنت قاعد بالعزيزية أو بالسليمانية أو حتى بالميدان أو أي منطقة من هالمناطق يستر عالموالي لا تعمم , شو بتعرف بحلب نازل شي بعمرلك على منطقة إسما "المغاير" أو نازل على "حارة الشحادين" أو نازل على "ارض الحمرا" ماني طالب منك شي بس قوم أنت و أي صبية رفيقتك نزيل على وحدي من هالمناطق و ردلي خبر شو حيصير معك , أزا عم تشوف أبناء الريف اللي بالجامعة و شايفون ملايكي فيك تنزل على أي منطقة من اللي زكرتون و شرطي معك صبية و ردلي خبر شو بصير معك هاي أزا شفناك . ( صحيح و مبروك الحمل مسبقا ً . )

مين متضحك عليك وقايلك هلحكي
عملك فتلة على المخافر وشوف الوضع فيها .. حاج بقى كلما دق الكوس بالجرة ننزل نقد وتهجمات بس لأن بدنا ننتقد ونتهجم .. خلال اقل من شهرين صار حادثتين سرقة بعيلتي " اخواتي بشكل مباشر تم سرقتن" وبالحالتين تم القاء القبض على السارق والتحقيق معه بمحاكمة شرعية وقانونية .

مين متضحك عليي ؟! بتحب تجرّب هالشي ؟ قوم هلأ تعرّف عا مساعد بأي مخفر قلو هاي خمسين ألف و نوملي فلان عندك بالقسم أسبوع على زمة التحقيق و بعدين طلعو براءة , شوفو كيف بناما ؟

بتحب أكتر من هيك , قوم ديـّن سين من الناس مليون ليرة و بيكتبلك الزلمي سندات بمليونين ليرة و أزا أنت زلمي أبن ستين زلمي حصلون , و إلك عليه كل يوم يمرق يسلم عليك ,

و حصل .

واذا بترجع لـ 3 سنين وقت اجت احدى العشاير على مشفى حلب الجامعي لقتل واحد من عيشرة تانية.. بتشوف كيف الشرطة لمت بكل شخص قريب وبعيد من القصة .. طالما الحكي ببلاش احكي ما حدا عما يحسب عليك حكيك .. بس خلي كلامك شوي منطقي .

هع , هاي مشكلة آل بري و آل حميدة . ( مشان أوضحلك و ما تقول إحدى العشائر .) و المشكلة مانا بمشفى حلب الجامعي بغير مشفى . فعلا ً ألتمو شباب العيلتين و بعد تدخل سلطات عليا من الشام تصالحو على أساس و في حال رجع تكرر هالشي رح يصير شي كتير كبير . و بعد ما صارت المشكلة لحد الآن صار مقتول ست أشخاص من العيلتين . و ما أستفادت الشرطة من لمة الأشخاص لا القراب و لا البعاد , فا مشان موضوع الحكي المنطقي بظن مشكلة ما بتعرف عنا شي لا تحكي عنا لأني إلي معرفة شخصيّة بأشخاص هالعيلة و هالعيلة . و الدولة ساكتة و ساكتة و ساكتة . و التار ما زال قائم و التوعدات و التهديدات ما زالت قائمة بقا برضاي عليك ركــّز , و لا تقطف الكبة من راس الماعون .

الوصول للسلطة بطرق غير قانونية مانا شي حصري بحلب او مشكلة بتعاني منها حلب بشكل مباشر
بس ما عما شوف اي رابط بين الفساد والرشوة من طرف وكترة الاحداث الاجرامية من طرف تاني

لا معلم بيجوز أنت طالب أو ما إلى زالك ما عندك هالخبرة أو يجوز ما أختلطت بسلك الدولة , بدك تقوم تنزل تعمل معاملات مثلا ً بالمواصلات أو بالبلدية بتشوف هالشي بعينك , أو مثلا ً قوم تعرف عا شي كم ضابط مرور بقلك أنا دفعت المبلغ الفلان لأجي عا حلب و يا عمي بحلب عندكون الرزق غير شكل , أما شو الرابط , فلما بيختفي الرادع بتكتر الجريمة , و لما بينشرا القانون و القضاء بالعملة حصرا ً بدا تكتر الجريمة , عرفت شو الرابط ؟!

ما قالولك بأن افلطون وقت عما يحكي على " حلب " نسي الاسم قام لحق حاله واستدرك الوضع وسماها المدينة الفاضلة

هوي يا عزيزيي لما عرف أنو القانون أنصف أخواتك التنين و أقام الحد على السارق سماها المدينة الفاضلة بسبب أخواتك بس , عرفت ليه ؟!

طلع رئيس المخفر هوي سبب المشاكل كلها وهوي سبب ازدياد حوادث السرقة والقتل وكل الجنايات
الكعكة بخمسة والحكي ببلاش عندك فكرة شد بتسوى الافكار المنبثقة من احلام اليقظة ؟

بعيد العنك وبش وجايين من ورا البقر ومافين عقل لهيك الجامعات هنن اكتر المستفيدين منا وهنن المميزين فيها .. بس لأن مكان ولادته عند الداية صاروا غير ناس وغير خلق مقارنة باللي ولد بغرفة المستشفى

لا محشوم أنت و البقر حبيب .

بس طبع اللي عايشيين بحلب غير طبايع اللي عايشين بريف حلب أو بالمناطق الشرقية . بالنهاية أبن مدينة حلب غير إبن ريفا كليا ً , ما فيك تشبه حالك بإبن منبج أصلا ً ما فيك تمشي معو حتى , ما فيك تقارن حالك بواحد مقضى عمرو عم يزرع بواحد بيقضي نص ساعة قدام المرايي مشان شعراية نزلت و شعراية مش بمحلا . ما عم ننقص من قدر

سلملنا على توني و على أم توني و قلون يديرو بالون على حالون صايرة البلد بتخوّف .