حكي نظيف فعلا يا شريك....مشكور فعلا..بس حابب أضيف كلمتين صغار عليه...
يا شباب...لزلمةاللي وقف امبارح قدام مسرحية اسمها مجلس الشعب...وقرا بيان هزيمة كأنو اعلان نصر... مشهد مخجل بالنسبة ألي فعلا...ماحدا هزمنا بلبنان , ولا بأي مكان تاني, قبل ما نقعد ندور على اللي هزمنا لازم نسأل ليش نحنا هزمنا حالنا أول شي...ليش صار اللبناني أحسن منا, ليش شبابنا صارو بياعين كعك بشوارع بيروت, أو عمال بسوليتير أو بسوكلين , بيشتغلوا الشغل اللي اللبناني ما بيرضى يشتغلو و بتراب المصاري كمان... يا ترى لو هالشب لاقي كرامتو ببلدو كان راح علبنان..وما عم بحكي عن واحد أو تنين....عم بحكي عن حوالي مليون عامل سوري بلبنان!!!!
ما عم بقارن سوريا بالسعودية أو الأمارات...عم بقارنها بلبنان...جارنا... أخونا الصغير...ياترى ما حان الوقت نفكر بهالشي؟ ما حان الوقت نفكر ليش أغنى رجل أعمال بسوريا اسمو رامي مخلوف...ليش ذو الهمة شاليش عندو بلاوي الله عقود مع الدولة و بدون لا مناقصة و لا شي.....ماحان الوقت نسأل عبد الحليم خدام وولادو من وينلون الأسهم بـ france telecom..لحتى نسأل مصطفى طلاس وولادو من وينلون شركة ماس؟؟؟ ما حان الوقت نسأل ليش ضابط صغير بالمخابرات أو بالأمن فينو يعمل شو ما بدو و فينو يدمرك...مع أنو بيجوز اذا حطيت شهاداتك كلهون فوق بعضهون جنبو بيطلعو أطول مننو؟؟!!!
من السهل التعتيم على هالحكي...نتطلع بغير جهة و يادار ما دخلك شر... بس تذكروا أنو بهالمصاري كان ممكن يكون عنا مدارس متل الخلق , جامعات بتحترم حالها...كان ممكن أنو عالأقل ما يكون حلم أي شب سوري هوي أنو يطلع لبرا...
بلدنا حلوة يا جماعة...بلدنا عظيمة, عريقة...غيرنا بلش من اللاشيئ وشوفو وين صاروا...ليش منسكت , ليش منرضخ , ليش بنصفق ...أساسا لازم نلطم...
انسولي هلأ يمين ويسار....بعث أو شيوعية ولللا أخوان....ما بيهم مسلم أو مسيحي أو يهودي...المهم سوريا
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|