[mblue]

حلوة المباراة ... الشوط الاول خصوصاً ... كان في شوية قرارات مشكوك فيها للحكم ... وخصوصا تجاه كاكا كأنه كان متعمد ما يحتسب الاخطاء ضده مع انها مو كلياتها صحيحة بس في مرات كانت واضحة كتير .
اليوم كان واضح انه على مستوى الوسط الريال قدم مباراة كبيرة ... وبالشوط التاني كان واضح انه بللغريني ما عنده حلول على مستوى الوسط لحتى يرجع مدريد يتحكم باللعب ... كان بودي اليوم انه نشوف جرانيرو من بعد الدقيقة ستين ... بتصوري كان بيعطي اضافة كبيرة بدل مارسيللو لانه نشاط الشوط الاول اثر على مردود اللاعبين بالشوط التاني .
فان جول بصراحة كان واضح انه خايف من الالتحامات البدنية مع الخصم ... او هو لسا مصاب ما بعرف ... بس كان واضح انه عم يهرب من الالتحام مع المدافعين ...
هيغواين للاسف ما قدم شيء يذكر اليوم .
الدفاع كان جيد لولا بعض الهفوات اللي ما بصير بلاها بس كاسياس كان بالموعد .
برأيي التعادل كان مقبول بعد الشوط التاني ... لو انه كنت حاسس انه الريال رح يخطف هدف باي لحظة ... بس !!!
المهم انه المباراة الجاية قدام مرسيليا الريال يحقق الفوز لحتى يضمن التأهل الماشر للدور التاني ... ولوقتها بحلها الحلال ...
ونقطة اليوم من السان سيرو مهمة .