اقتباس:
مرحبا نسرين انا اسف شوي بسبب ظروف معينة اضطريت اعتذر شوي
تقلنا الحمل على زيود
|
هلا و ولايهمك
اقتباس:
|
نسرين هل مرق يوم وقلتي فيه انو اي هاالموقع ما بقى بدي كمل فيه ؟
|
يوم؟؟!!!
قول أيام
من بداياتي هون بحوار الاديان للمنبر كل يوم كنت شارك فيه كنت اعمل تسجيل خروج بالاسلامي انو خلص
بس كنت ارجع رغم اني كنت اترك فترات طويلة كتير ومتباعدة
لأنو مارح اقدر انكر انو أخوية مختلفة عن 90% من المنتديات العربية والسورية
بس هاد مو يعني إني راضية عنها
والحديث يطول..
اقتباس:
|
سامر بحلقته قال انو مجرد استمرار الموقع من 2007 لليوم هوي انجاز انتي كيف شفتيه؟
|
هلىء سامر ممكن يشوف الصورة بوضوح اكتر مني ويعرف شو عم بصير ورا الكواليس
مامنقدر نقول انو هو مو انجاز ...
بس السؤال الاستمرارية الخجولة هي شو عطيت لاخوية؟ واخوية شو اخدت منها لهلىء؟؟
باعتبار المرحلة هي لسه ما انتهيت
اقتباس:
|
لو اليوم اجا الحكيم وقلك تعي صيري منسقة او مشرفة بشرط انو تعطيني 10 اشيا ما عملوها هني وانتي بتعمليها شو هني؟
|
هلىء باعتباري مابعرف سياسة اغلب المشرفين بأخوية رح احكي بشكل عام
معروف عني انو لساني سليط وصوفتي حمرا
وبصراحة مالي حابة قيّم حدا او قيم المنتدى ككل
لهيك مابعرف شوبدي قول
اول شغلة بعملها بنشر سياسة العدل هون للأسف فيه محسوبيات وخيار وفقوس وشللية
وبنشر احترام الاديان وقدسية الله سبحانه وتعالي غصب عن الكل لو منتدى ملحد بجدارة
التطاول على الاديان والمسخرة لشخص الانبياء بمنعها منع تام
مو لاني متدينة بس في شي اسمو قدسية بالوقت نفسه يلي مارح اسمح لاي عضو متدين يهين عضو ملحد
وبغير القوانين الرهيبة باغلب الاقسام قوانين لما تقرأها بتحس أنك مالازم تنزل موضوع ولا تحط مشاركة
واذا فكرت تكتب مشاركة نظامية خالية من مخالفة لهالقوانين بتلاقي حالك مخالف مو طلعت عامل سبام
اقتباس:
|
اخوية هو موقع لاديني يميل جدا لليسارية برايك هوية الموقع هيك لازم تكون او بشكل تاني؟
|
هلىء هي شغلة بترجع لرئيس مجلس الادارة
بس اخوية مرت بفترات كتيرة غيرت منها الكتير من عاداتها واسلوبها
هية لادينية ؟؟ طيب لشو أنتم ملح الأرض...
لما شخص فتح لينك اخوية وقراها رح يفكر حالو بمنتدى مسيحي
بعدين فجاة بيكتشف انو ممنوع المواضيع الدينية
بصراحة مابيهمني كيف لازم يكون حتى لو كان منتدى الحادي درجة اولى لكن يلي بيهم اكتر
تحديد مسارها واحترام المسارات التانية
منلاقي كتير اداريين و اعضاء بيحكوا عن الانسانية بيشكل بيخليك تعجب بطريقة تفكيرهم
فجأة بتلاقي رد لها الشخص عم يتمسخر أو يستخف أو يهين باسلوب غير مباشر عضو تاني بيكون جديد اخ طازة ومافهمان الشربة
في نقاط ضعف قوية كتير بالمنتدى برأيي لازم تنحل وبسرعة لو بدهم استمرارية لاخوية
الاستمرارية ممكن تكون دليل للنجاح بس يمكن الاستمرارية السيئة بتقود للفشل
والله عالم شوفي بالقلوب واني ماعمري احتفظت بمشاعر كره لاي مشرف او عضو
وتواجدي بينكم دليل على كلامي
ولو مابتهمني الاستمرارية الناجحة كنت قلت غير هالكلام
بس من زمان كتيييييييييييييير ومابعرف قول واحكي غير عن يلي بقلبي
وشكرا كتير طارق .. ما؟