[اممي]

ان قريت المقال كلو وشي مرتين
بس بتجس ان الكاتب يا اخي في شي براسو ماعم يوصلو
لان شي بيحكي علي بني اميه بالمليح وشي بيضهر البربريه الي عاملهن فيها العباسين واخر شي بيرجع للبعثين علي انهن مدمرين للبلاد
هلق معظم تركيزو اجا علي اسس طبيعيه متل ماي الجزيره تجفيف بردا وابتلاع المساحات الخضراء بالغوطه
وهالمشاكل معروف ان ما اجت عن سياسه متعمده لتجويع الشعب مثلا ,يعني الماي تبع الفرات متحكمة في تركيا والسد الي انبنا عليه عم يوفر كهربا وعم ينظم تدفع الماي بالنهر وهاد شي اكثر من طبيعي بتعملو اي دوله
اما المساحات الخضرا فان تعداد السكان بالبلد وتحديدا دمشق عم تتزايد بشكل جنوني لان دمشق تعتبر حاضنه لكل ابناء المنطقة والتوسع تبعها صاير انفجاري وبشكل مو بالعقل
هلق عوده لبني اميه فبعتقد ان من الاجحاف ان نطلق صفة وحده علي الحكم الاموي الي كانت شخصيتو بتنتسب للفرد الحاكم يعني مافيني شبهلك فتره يزيد بفتره هشام ولا بفتره معاويه رغم ان القاسم المشترك الوحيد بيناتهن ان بغضهن لاهل البيت ومعاداتهن اللن والي يمكن بتلاقي في فقه بعض المذاهب الاسلاميه النهايه الي الت الها خلافتهن وطريقة اهمال حته قبورهن وذكرهن نوع من العقاب الالهي لجرائم قامو فيها ضد صحابه وسلاله محمد
بالنهايه بعتقد مشاكلنا اليوم اكبر من ان يكون المسؤل عنها شخص او هيئه وحده,نحنا شعب كامل مخطي ء
بكل المساوي الي فينا من تنبله لغش لكذب عم نسحب البلد لورا اكثر واكثر