قال اجتمع خمس ركاب بالكراج بحمس و بدهم ينزلوا عالشام قاموا قالوا لبعضهم شو رأيكم ننزل بتكسي بدال الباص و اتفقوا مع بعض بس المشكلة انه كل شوفيرية التكسيات ما كانوا يقبلوا يحملوا غير اربع ركاب و بعد شي ساعتين طلع الحل مع اذكى واحد بيناتهم و قلهم : بيطلع اربعة بالسيارة و الخامس بيركض ورا السيارة و كل شي عشر دقايق منبدل قالوله ممتاذ يلا لنشوف و طلعوا اربعة و مشيت السيارة و الخامس بلش يركض و راهم عشر دقايق ........ ربع ساعة ..... نص ساعة ..... السيارة داعسة و المعتر عم يركض و يشوبر بايديه و الشوفير ما عم يوقف ,,,, بعد شي ساعة و نص وصلت السيارة عالكراج بالشام و نزلوا ينطروا رفيقهم الخامس شن نص ساعة كمان وصل المسكين عم يلهث و لسانه ممدود من تمه و قميصه مشقوق و حفيان و حالته بالويل و انلحش عالأرض قدامهم ركظوا كبوا عليه سطل مي و نزلو ضرب كفوف فيه حتى صحي و قالوله لك شبك شو صايرلك ؟؟ قلهم مو اتفقنا نبدل كل عشر دقايق ؟ قالوله صح بس لقيناك متحمس و عم تركض منيح قلنا بلا ما نضيع الوقت ... قام قلهم طيب منيح يا اخي بس قلولي انه هيك رح تعملوا لأني انا بدي انزل بالنبك..
لا تواخذوني يا حلوين