اقتباس:
كاتب النص الأصلي : sweetbaby
وهي كم سؤال خاص لالك خص نص...
ايمت بدك تتوكل اصدي نفرح فيك؟؟؟
حاليا الموضوع مش مطروح نهائيا...ما عندي الرغبة ولا الارداة ولا القدرة على خطوة مشابه...حصيلة تجاربي بالحياة ووتجارب الأخرين عم تأكدلي يوم بعد يوم أنو هي الخطوة الاخطر بحياة الانسان..
حاليا مش مستعد احمل حمل تاني ع ضهري...كونو بنات اليوم بشكل عام والحمد الله نقاقات ومتطلبات...ع جبلي هي وبدي هي واشتريلي متل هي...
يوم بلاقي صبية نكون انا وياها ع الغربة سوا...وما تكون هي والغربة عليّ...بدرس الموضوع...ولو أني بشك بهالشي
لايمت بدك تضل تعذب الاطافيل؟؟؟
شوفي خيتو...كل شخص عمرو العقلي لا يتجاوز العشر سنين والفارق بين عمره العقلي وعمره الزمني فوق ال 8 سنين...هو هدف مباشر الي...
ليش بتحب تخوفني انت 
تبلي...موصحيح...مظلوم....
هي اشاعات مغرضة بهدف النيل مني....
شو الحب بالنسبة لحسان...
الحب الوحيد يللي بأمن فيه هو حب الأم لولدها...لأنو هو الحب الوحيد يللي قوامه التضحية بدون مقابل....
أما الحب بين الذكر والانثى فمو قادر يرقى لمرحلة تستحق أنو الواحد يقدسه كتقديس حب الأم لابنها...هو بتعبير أصح علاقة قائمة ع المصلحة المشتركة يللي بتتضمن الدعم النفسي والمعنوي والعقلي المتبادل...بيفتقد دايما لمفهوم التضحية...كلا الطرفين ممكن يضحو ببعض عند توالي المطبات...برأيي وبعد سلسلة من العلاقات المعيشة والمشاهدة...الحب بين الذكر والأنثى هش أكتر من خيط العنكبوت....
هو حالة مؤقتة بس...مو قادر يحافظ ع استمراريته...
شو يعني الوحدة(انو تكون وحيد)
وضع رائع...بشعر أني سيد نفسي...سيد حياتي وسيد وقتي...بيسمحلي عيش حريتي المطلقة ومارس حياتي الهادئة بعيد عن تدخل الاخرين...
ماني قادر أني شارك حياتي مجددا مع حدا...لا أهلي ولارفيق ولا حبيبة....
بستمتع بالوحدة وبقدر كل لحظة بكون فيها وحيد
بتامن انو الرجال معلش يبكي؟؟
طبعا بأمن أنو الرجال معليش يبكي....مو غلط نبكي لما نشعر بالغلط...مو غلط نبكي لما نضعف ومو غلط نبكي لما نشعر بالحزن....
شو اللي بخليك انو بدك تبكي؟؟
بس أتذكر كتير اشيا...مو حابب احكي فيها....يعني...يش يش
أنو عادي وبتصير...اليوم أنا وراجع تمشاية ع البيت بالليل كنت عم اسمع غنية (غني قليلا يا عصافير)...فكنت رح ابكي...انو دمعو عيوني بس ما نزلت الدموع...تسالي...
بتامن بالانفتاح؟؟
هالسؤال متل - شو رأيك بالهواء..مفيد للانسان؟؟؟
طبعا بأمن بالانفتاح....
اذا فرضنا انو الانفتاح بيعني تقبل الاخرين والانطلاق لاكتساب معارف جديدة بدون خوف وتحفظ فأنا معه...
طبعا جوابي قد يتغير اذا كان مفهومك للانفتاح مختلف...
من شو بيخاف حسان؟
من أنو يفشل يحقق حلمه الدراسي والمهني...ويضيع الحلم الكبير والجهد الكبير يللي بذلته لحد هلق...بس طبعا الخوف بهالحالة هو دافع للعمل والاجتهاد اكتر...واذا صار وفشلت بتحيق حلمي المهني فراح جرب مرة وتنتين وتلاتة اني جربه...بالرابعة رح اتبنى حلو أصغر شوي وحققو...
ومن أنو يحب مرة تانية...والخوف بالحالة مو معاكس للخوف بالحالة الاولى...مانو دافع للبحث هن حب حقيقي....انما هو شعور مرحب فيه لتعزيز رفض حالة حب جديدة...
شو هي اولويات حسان؟؟
العلم والعلم والعلم...فقط...ماعندي أولويات تانية لا عاطفيا ولا اجتماعيا ولا ماديا.....
معد طلع راجعتلك
والله لاهريك اسئلة
اصطبر شوي |
مصطبرين ولنشوف مين راح يرفع الراية البيضا أول....