اقتباس:
|
حسون مروق ع فرئعة الئنابل ولئواص وشمتان ومالو سأل على حدى .. بس يادب أذا خربت ع الاخر لبنانية لح يطفشو لعنا ... خيو مابدنا الا تقويض المحكمة الدولية بالدرجة الاولى ... وبعدها موفارقة كتير
|
هلأ مشان القسم الاول انا بقلك عادي يازلمة خلين يجو ولو .. شو عليه نحن بلد مضياف وكريم وشعبنا مابقصر ونحن كتير كفو .. بعدين اللي قدر يشيل مليون ونص عراقي بدو يغص بشي 3 مليون لبناني (طبعا ازا فرضنا اجا 3 مليون من اصل الشعل البناني كلو ) عادي يازلمة خلين يجو وازا ماوسعتن بلدنا عيونا بتوسعن
ووهي من عندي بوسع بعيني شي 5-6 لبنانية مامشكلة .. بعدين يازلمة بتتزكر ايام حرب تموز بربي تسلينا كتير لما اجو انا كيفت .. او الشي بزمانو هي ياسيدي كان عنا محل خالي فخالي (بلا معنى) كان مرضان شوي وطبعا ع طول كنت قاعد معو انا بهالمحل منو منتسلى ومنو ومنتعمللنا شي المهم يامعلم طبعا هالبنانية فادونا كتير .. اخي ارباح المحل شوي وبحسا انو ضاعفت الا شوي من البنانيين والسعوديين .. يعني خالي (بلا معنى)الله يزكروا بالخير كان يبيع مثلا علبة الفول بسعرا العادي 45 بس لما يدخل واحد لبناني توصل معو احيانا لل75
انا اقلو ياخالو ياحبيب مابينفع هالحكي هادا اسمو نصب واحتيال .. بس طبعا خالي ماكان يرد وكان يستمر بهالمعلية وبالتالي انا تعلمت نفس الشي وفعلا بفترة الحرب ارتفعت كتير مرابح المحل وصرنا نبيع شغلات ماعبتنباع من قبل وماحدا عبشتريا .. وهي ناحية اقتصادية مفيدة
تاني شي بصراحة انا كتير حبيتن كتير كنا نشوف شغلات حلوة ايام الحرب ورومانسية وعاطفية
لانو بعيد عنك نحن قاعدين بمنطقة محافظة نوعا ما ماكتير هيك يعني .. فالمهم اجولنا هيك من المي للعطشان
بعدين يازلمة عنا بادية طويلة عريضة بيسعوا فيا ويزيدوا خلين يعمرولنا ياها وبمشي الحال بقى ليش خايف انت .
وطبعا بالاخير الله لايضر حدا مين ماكان يكون
اقتباس:
|
تاني شغلة ولا حلبي شو هل الاحصائيات الي طالعة عنكم ... قال متوسط عدد افراد الاسرة بغزة تراجع لـ8 و الحلبية رفعوها 8.9 .. بقا الله يرضا عليكم يا حلبية خففو شوي يخرب بيتكم يعني انتو بتخلفو والدولة بتبتلي منين بدون يلحقولكم مدارس وتعليم ومستشفيات وفرص عمل
|
هلأ مشان هالقسم من ردك هادا موضوع مطول كتير كتير ولو بدنا نحكي باسباب هالشي وقلك شو اسبابو بدنا نص ساعة كتابة + انو منطلع ع الموضوع كتير كتير ومنصير بموضوع تاني وبلا ماتحمر العين علينا
وابقى زكرني افتحلك (بلا معنى) موضوع بالسقيفة عن اسباب هالظاهرة وتداعيات بس طول بالك لافضالي شوي ومابصير خاطرك الا طيب ..