الى صديقي الضفدع
في الاسبوع اللي مضى على قد ما كنت تعبانة ومضغوطة على قد ما كنت معي ,,,بحياتي ما تخيلت انو تكون انت انيسي بيوم من الايام انو احكيلك انو اشتاق اسمع صوتك يللي بعصب كل العالم
انو حسك مخلوق جميل
كنت لما اشكي وابكي واسمع صوتك حس انو عم تواسيني وتخفف اوجاعي واحيانا كنت حس انو انت كمان الك اوجاعك ومحتاج تفضفض لشي كائن غريب بس بدك تفضفض والسلام
لما قربت مني جفلت وتزكرت لحظة مرت من 6 سنين لما شرحنا رفيق من رفقاتك بالمتخبر وكيف خنقناك ,,,يوميتها بكيت بس نسيت نسيت هاللحظة مع انو كتير اذتني
بس لما شفتك هالاسبوع يمكن للحظة سمعتك وانت عم تعاتبني كيف قتلناه بلا احساس ويمكن قبلا حسيتك شمتان فيني بس انا هلق مأكدة انو هلق انت رفيقي يللي بحبني وبحبو
ما بنكر انو لسا بخاف منك وما فيني المسك وما بقدر اتعامل معك غير عن بعد بس بحبك والله بحبك
هامش وهالشي ما قلتلك ياه,,,
بلحظة تخيلتك امير حولتو الساحرة لضفدع وناطر يد حنونة تحتويه ليرجع لطبيعتو بس بعدين قلت اعقلي يا بنت حاجتك خيال وقصص طفولة وماتت الطفولة,,,
تباً إننا جيل كامل من الانتظار .. متى نفرغ من الصبر .. و من مضغ الهواء ..
اتعرى من الجميع كي أجدني,,,,
فأضيع !!!!
حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح!