[saman]

احب ارحب ب أمير بيك ... و نقلك اقامة مريحة معنا بالمايسترو

يا هلاع
مسيرتك ب أخوية طويلة ..
بعرف
شو قدمت و اخذت من اخوية ؟؟
للصراحة بحس حالي اخدت كتير شغلات من أخوية منها ... اني اتعامل بانسانية مع كل البشر شو ما كان دينن او طايفتهن او انتمائهن القومي او السياسي .... علمتني اني حب بلدي اكتر واكتر ... علمتني انو مو كل شي حلو بالعالم ... علمتني انو في كتير كزب بين البشر ... علمتني انو بايا لحظة ممكن يتغير الانسان واما يصير ملاك او ووحش !
علمتني اقتنع بحالي متل ما انا ... وما غيّر بشخصيتي منشان فلان وعلتان .. وعلمتني امشي ع المكشوف مع كل العالم .. وما يهمني رأي هاد او رأي هداك ... ما دام انا راضي عن حالي نسبياً
علمتني كتييير شغلات ...
ممكن بطريقة سلبية اخدت هالشغلات يلي علمتني ياها او بطريقة ايجابية .. ما بيهم ... بس الانسان ممكن يمر بتجارب من كتير انواع ... وبدو يحاول يتأقلم مع هالتجارب ويتعلم منها
وفوق هليك اخدت من أخوية كتير اصحاب بعزهن وبحبهن كتير ... ماني حابب ازكر اسماء لأنو القائمة تطول
اما ..
شو قدمت لأخوية ... فا سوري .. بحس حالي ما قدمت شي لهلأ ... قريباً ... ترقبوا ... كل جديد من ميرو

تغيير الاسم من ميرو الى سامان ... غير شي على الواقع ؟
هوي بالاحرى تغير من سامان لميرو .. بعدين من ميرو لـ سامان ... هلأ بهالفترة كنت عم حاول انضج ... (صحيح ما دخل الاسم بالقصة ) بس انا عم احكي عن فترة التغيير بشكل عام ... انو تغيرت كتير انا من بعد اخوية .. ممكن بعض الناس يشوفوا للاسوء ... وناس يشفوا للاحسن .. ما بيهم ... المهم اني مقتنع بهالتغيير وراضي عنو الى حد ما
اذا كان اخوية يعنيلك موقع تواصل ... تفضل المشاركة او طق الحنك بالمسنجر؟
هلأ على قصة التفضيل ... فا لاء انا بفضل المشاركة .. يعني حتى لو كنت فاتح المسنجر وعم طق حنك .. بحس في شي ناقصني ازا اخوية مو شغالة مثلاً .... انو هيك .. ازا ما عرفت شو في شي جديد بأخوية تاريخياً سياسياً اجتماعياً .. طق حنك ومباركات وتصبيحات ... ما بحس حالي مبسوط ...

امير ... اريد رأيك بالشغلات التالية .. (بالمطلق )


الثواب و العقاب كمبدا

معها ... وبحسها من اكتر المبادئ يلي بتحفظ المجتمع من الانحراف ومن اي اشياء تانية تعتبر خطأ بالعرف العام ..
بس بدك مين يعرف كيف يعطي الثواب بوقتو والعقاب بوقتو ... والا ما منستفاد شي

الواسطة

ضدها تمامً .... مخربّة بشكل كبير... والمشكلة انو كل العالم ماشي فيها.. والواحد الا ما يضطر يمشي فيها ليزبط امورو .. وبلاها ما ممكن نعيش متل البشر والناس .... وخصيصاً هون بـ سوريا ... للأسف

الخدمة العسكرية

مالها طعمة ... وبحسها عنا بسوريا ... تحقير للبني آدم وبس .. فقط اهانات وعدم احترام .. كمان للأسف

الدراسة الاكاديمية

معها ... (مع اني مالي خلق ع الدراسة الاجبارية) انو انا بحب الثقافة بشكل عام .. بحب انا روح لعند الثقافة مو الثقافة تجي لعندي
انو بتمنى كمّل دراستي الاكاديمية انا .. قريباً

التأميم

مو دايماً بيزبط ... ومو دايماً اهدافو بتكون جيّدة ... ومو دايماً بيكون هوي الحل .... تقريباً انا ضدو ... بس مو بالمطلق ...

الانسانية

مممم ما بعرف شو احكي عنها ... بس بحس حالي (واكيد بلا فخر ) اني انسان عاطفي جداً .. ونسبة تعاملي مع الناس بانسانية .. لا بأس فيها ...

التعامل مع ذوي الاحتياجات الخاصة

بدو ينتعب عليه اكتر وخصيصاً بـ سوريا ... لهلأ ما عم لاقي الاهتمام الكافي لدى الجهات المسؤولة بهالقصة ... وللأسف ايضاً


يــُتبع

ناطر الـ يتبع