[saman]

أمير .. هي فقرة سؤال من مجهول ...

يا اهلين مجهول .. كيفك ؟

1- عن مدى ارتباطك باللغات وحبك لها ، ما سر ارتباطك باللغات وحبك لها وهل فكرت يوما بدراسة بعض اللغات بالجامعة ؟
انا بحب اللغات بشكل عام .. وخصيصاً اللغات الشرقية .. يعني لغات البلاد يلي بقارة آسيا ...انو ام بعرف ليش .. بس بحس حالي انسان شرقي .. وميّال لهالشعوب .. وميّال لتعلم لغاتها ...
اما بالنسبة لللغات الاوربية ... فا بحس انو لازم اتعملها ليضل في تواصل بيني وبين شعوب تانية ... بتستخدم الانكليزية او الفرنسية ...وبحس كمان انو يلي ما معو لغات .. ما بيعرف شي بالدنيا ... ويمكن ها يمكن تعلقي باللغات عموماً انعديت فيه من اختي
اما بالنسبة لتعلم اللغات بالجامعة فا اكيد مفكر بهالشي .. نشو كنت ناوي كمّل أدب انكليزي بالجامعة بس للأسف هلأ ما صحلي .. وما بعرف شو ممكن يستجد معي
2- أشعر انك تحب الله وانك في اعماقك لا تحب ان يتطاول احد على الدين او على الله ، هل هذا صحيح ؟
اي هذا صحيح .. انا بحب الله كتير .. وبعرف انو الله بيحبني ... وعندي ايمان فيه لدرجة كبيرة ... هلأ بيجوز ما تلاقوا عندي اهتمام كبير بالدفاع عن هالقدسية ... بس مو معناتو اني ما بقدس الله ... هاد معناتو انو ما بدي فوت بنقاشات ما رح يطلع منا شي ... وبس
وأشعر ايضا بنفس الوقت انك لست متدينا وايضا تكره المتعصبين ، فان كان هذا صحيح فهل تعد ذلك تناقضا ام ماذا ؟
شعورك مو بمحلو تمام .. بالعكس انا عندي تديّن .. مو هالتدّين الفظيع .. يعني مو لدرجة كبيرة .. بس بحس حالي متدّين بنسبة لا بأس فيها ... وبنفس الوقت اكيد بكره المتعصبين .. لأنو في كتير شغلات بيألفوها رجال الدين وبيمنعوها عن الناس .. وبيلزقوها للدين .. مع العالم انو الدين مالو علاقة فيها لا من قريب ولا من بعيد .. والبشع من هيك انو بتلاقي هالناس عم تدافع عن هالقصص وبتعصب كبير !
اما اني بحس هاد تناقض ... لأ ما بحس فيها تناقض بنوب ... انا برأيي الله موجود .. وبالدنيا في دين .. بس يلي بيفهم الدين مزبوط ... ما رح يكون متعصب ولا طائفي ولا لا انساني ... وبيعجبني كتير حديث للامام علي بيعبر عن هالنقطة : (الناس صنفان .. اما أخ لك في الدين .. او أخ لك في الخلق ) ... وبرأيي التعامل بانسانية مع كل البشر اهم من التعامل بتعصب وبتدين زائد ..
انا بعتبر حالي متديّن لحد معين وبحب الله ... بس مو ضروري افضح الدنية بهالشي .. يعني لولا ما سألتني انا مو بالضرورة احكي .. شنو عندي .. الدين لله والوطن والانسانية للجميع
ما بعرف ازا وصلت فكرتي ... بس هاد يلي طلع معي
3- عرفتني ؟
يعني .. شاكك بـ شي طلطعشر زلمة بس