احرجتني بكلمتك الاخيرة
ربما يكون اخر رد الي عليك هو هاد (لذلك رح نزلو على دفعات حتى يكون قصير)
اقتباس:
كاتب النص الأصلي : VivaSyria
لبس وليس لبث  .. المهم أخي أنا وين قلتلك ناقشني بصحة النص القرآني؟؟ بالعكس اقرا قصة "البقبيق" بتعرف اني عم طالب باحترام تفاصيل القناغات الشخصية كالأديان والمذاهب لكن بالمقابل أطالب بتحييدها كدليل.. بمعنى وقت قلك انو في نص قرآني بيقول "في السماء رزقكم وماتوعدون" بيكون المفهوم واضخ دون الخوض بالتفاسير المتعددة والتبريرات المتناقضة مع بعضها...
أما مفهومي لمسلمات الدين أو حتى فيك تعتبرها مسلمات كافة الأديان فمانو بحاجة لشرح وبوعدك إنو مافيه أي كمين.. |
تماما لبس وعظيم انك علقت على هالكلمة وما انتبهت لمنتصف السطر الرابع عشر
انا بكتب بسرعة ومابراجع الرد ، وارد انك تلاقي حرف سبق حرف او حرف مكان حرف او خطأ متل هاد ينتج عن السرعة او عدم التركيز اوعدم التدقيق أو المراجعة.
عودة الى احد ردودك الاولى :
اقتباس:
كاتب النص الأصلي : VivaSyria
"طيب اخي بحيثيات الدعوى في نص واضح وصريح بالقرآن بيقلك "واذا سألك عبادي عني قل اني قريب اجيب دعوة الداعي اذا دعاني فليستجيبوا لي وليأمنو بي...."
الزلمة قلك انا طبقت الشروط المذكورة ومأمن بالله وعم ادعيلو وعم اشتغل يلي بقدر عليه وماعم يستجيب شو بيكون الوضع؟؟
اذاً هاد مو تواكل وانما توكل بمفهومك للمسألة.. وبناءً عليه في تقصير من الله برجع بأكد بناءً على الوعود يلي هو اخدها على حالو وعلى الوفاء من قبل البشر لإلو.."
|
انت جايب نص قرأني وبتقلي الزلمة طبق الشروط ومافي استجابة (مفهوم المكتوب ومبين) الله بيقول رح اجيب دعاء الداعي وانت جاي تقول الزلمة طبق الشروط ومافي استجابة من الله لدعواه ، مبين من حكيك ان الله ما نفذ وعوده "وهاد اللي كتبته نصا ،مو؟" بدك تقول ان الله مابينفذ وعوده وان الله مقصر في حق البشر ، هاد اللي كتبته ، في اطار نقاش بيني وبينك وكنت مقتبس رد الي وعقبت بالتالي ، رح اشرحا الك على قدر فهمي ، لما يجي انت تقول، الله قال انو رح يستجيب لدعاء الداعي وتيجي انت تقول تاني انو في زلمة دعا وما استجاب الو فهاد معناه تشكيك بصحة النص القرءاني (على حسب فهمي باحد شكلين)
رقم واحد- ان الله بيقول اشياء غير حقيقية ، وعد بانو رح يستجيب للداعي وعلى ارض الواقع في داعى دعا ولم يستجب الو (هاد اللي بتسميه بردك تقصير ،تعالى الله عما تقول) .
رقم اتنين- البديل ان الله مو مقصر ولكن هالحكي مو على لسانه وما وعد هيك وعد .
مافيني ناقش معك رقم 1 على الشكل اللي انت طرحتو ، الله غير مقصر ابدا وويفي بوعوده ،
و رقم 2بديل اخر على شكل انت ما طرحتو .
انما ممكن ناقش معك تفسير النص القرءاني ، ربما انت فاهم غلط او الزلمة فاهم غلط وهاد اللي ممكن نتناقش حولو ، انما انت تيجي تقول الله ما نفذ وعوده والله مقصر وبدك ياني اناقش معك هيك افكار فهاد اللي رح كررو للمرة التالته واقول الك مارح ناقش فيه ابدا .