هلئ لأحكيك منطقياً ..
من جهة جيت أو ما جيت ... الحواش ومرمريتا وعرقاتها
والمشتى رايحلهن
لكن لما احكي عن بير عجم فـ هون مافيني اقدر قارنلك ياها بالوادي بشكل عام ..
يعني مثلاً بالنسبة الي انا عندي شي مقدس اسمو قاسيون .. اي مقدس لدرجة انو عندي استعداد اخسر واتنازل عن كتير شغلات كرمال هالساعة اقل شي الي بطلعها يومياً صيف شتي.
طيب هلئ ازا بتقلي مثلاً .. خيو اسبانيا احلى ولا قاسيون
ما هي يا عمي قاسيون انو بيحسسني بشي كتير غريب .. بيذكرني بكتير شغلات بكتير عالم بدمعة أو بابتسامة .. ع حسب الذكرى.
طيب منجي لاسبانيا .. انو اسبانيا فظيعة .. وحلوة .. وحضارة عريقة ..
لكن هلئ لما نجي نتخير انو عمي قاسيون احلى ولا اسبانيا .. ما بقدر قارن هاد بهاد قاسيون حضارة ... واسبانيا حضارة تانية ... هداك عالم وهاد عالم ..
ونفس الشي بينطبق على الوادي - بير عجم
يعني انا من ضيعة تشبه جداً ضيع الوادي ... ألا وهي سرغايا الي بتجي بعد الزبداني هي
لكن لما روح ع بير عجم بحس حالي بعالم تاني .. يعني بتعيش طبيعة غير .. عالم غير .. حضارة غير .. شغلات كتير بتتغير عليك .. لزلك بتحس بالنشوة أكتر لما تروح ع بير عجم .. كونها شي ما بتصادفو بحياتك اليومية دائماً ..
فـ لهيك طجينا رأينا بما يتعلق بـ بير عجم أحلى من الوادي .. بناءً عهالشي
لكن ما بقدر انفي او انكر لا انا ولا الف من شكلي انو مرمريتا او المشتى او او او مناطق عظيمة ورائعة وما بتقدر تشوفها وين ما كان بهالأيام هي... ممكن أحلى من بير عجم .. لكن الجو او العالم او او اللي شفتو ببير عجم ما قدرت تورجيني ياه منطقة المشتى مثلاً ..
وما بيختلف تنين على أنه معايير الجمال غير موّحدة عند الجميع
