اقتباس:
كاتب النص الأصلي : el3ageed
طريقك مسدود مسدود...
إزا إلنا رح تبطل الدخان و رح سايرك (( الإختلاف بالرأي لا يفسد للود قضية ))
شلون بدك تبطل الأهوة و لحظات الإنسجام و الصفنة اللئيمة...و المجّة الصباحية ....
كان جارنا الله يزكرو بالخير عمرو شي تسعين سنة و من أول ما خلئ و هوة بيدخن و ولادو كلون - البركة - بيدخنو ما بيأطعو بنوب ...
أبنو الكبير صار معو انسداد بشرايين الألب
و راح لعند الدكتور و ألو الدكتور لازم تبطل الدخان يا أبني و دير بالك تدخن بعد الليوم ...كل سيجارة بتأصر من عمرك يوم ...
رجع هالولد لعند أبو و ألو : و الله يابي هيك ألي الدكتور ...!! فشو رأيك بالموضوع ...
ألو أبو فتاح هالخزانة و خود شريط أم كلتوم رباعيات الخيام و سماع شو بتؤول الحجة (( ما أطال النوم عمراً و لا قصّر في الأعمار طول السهر )) و هي أنا أكبر دليل أدامك ....
عيش سنة سأي و لا تعيش عشرة بعل ....
فسماع مني و مالك مصلحة بنوب بنوب ...
اللهم ألا هل بلغت ... ألا هل بلغت ... ألا هل بلغت ...
|
يلعن عمري وحياة الله خرمت على سيجارة لك شوووو هاااااد لك الي مابيدخن رح يدخن بعد هالحكي
لا ياعمي شو تبطل ماتبطل في متل بيقلك (احرق الروح قبل ماتروح) لك بس فهمني فيك بلا سيجارة عالصبح مع فنجان هالقهوة وفيروز بربك قلي فيك
يااخي والي بيقلك انو السيجارة بتضر فهو غلطان السيجارة مابتضر ولا شي وفي ناس كتير صار عمرن فوق السبعين وعميدخنو وعين الله عليهن بس هن هيك الناس بتحب تعمل من الحبة قبة
