[VivaSyria]

بعد فترة طويلة من تحفظي على الرد بالموضوع باعتبار كل الردود عم تكون هجومية قررت انو رد على هي المشاركة مع انو تتسم بطابع ديني خالص والموضوع مانو موجه لدين انما هو نقاش فكري منطقي.

جذبني الموضوع بعد ما اداني هو واحد من الاخوة بالماسينجر..
ابدأ كلامي , الي اتوقع ان فيه كثير من الاجوبة لكاتب الموضوع,وكمان لبعض الناس الي ردوا..

منح يلي صار في ناس عم تتناقل الموضوع على الماسنجر وناس عم يسجلو بس مشان يردو.. بدي 50 ليرة عالزبون... ومشان موضوع الأحوبة صاحب الموضوغ لايريد أجوبة انما يريد نقاش منطقي حضاري الهدف منه الوصول لنقطة التقاء... وبتمنى تون موجود وتكمل النقاش لأنو صار بهالموضوع هاد تحديداً إلي تجارب سيئة مع الناس يلي بيفوتو بيرمو مشاركه وماعد يبينو على أخوية

الله هو الأول والآخر..لا قبله ولا بعده .. كيف ؟.؟ يكفينا ان نعلم هذا , لأن عقول البشر لا تستطيع ادراك هذا الشيء ابداً..فالبشري معتاد على ان كل شيء مخلوق..وانطبع هذا الشي في عقله ..ولن يعرف هذا الشيء بشكل مفصل الا يوم القيامة ..

هون لازم تعرف انو النقاش عن الإله بشكل عام ومن مختلف المعتقدات.. يعني في ناس مابتأمن بيوم القيامه يف بدنا نقنعهن انو ينتظرو يوم القيامة ليقتنعوا بوجود الله؟؟ وأساساً فكرة يوم القيامة "وباعتبارك عم تحكي من النظره الاسلامية" شوي عنيفة مسألة الطوابير والحرق والسخ والجنة والحوريات والغلمان وهالقصص هي... فياريت نعتمد النقاش الموضوعي المنطقي.

ا

لله مبدع , ومن اسمائه الحسنى ( البديع ) .. لذلك , ملأ الفراغ بالسماوات السبع , وخلق مخلوقاته البديعة , فمنها الانسان,والملائكة,والجن والدواب ... إلخ..
هدف خلق الجن والانس هي عبادة الله..لذلك , فليعش كل انسان على حسب هذا المبدأ..هذي هي وظيفتك , فلا تتمرد عليها ابداً..الدنيا حلوة وسعيدة , طالما انك ما تعقدها , وطالما انك تعبد الله ^^..

تقصد حلوة وبديعة طالما أنك لا تفكر؟؟!!! حلوة وبديعة طالما أنك لاتبحث في أسرار الحياة؟؟!!! حلوة وبديعة عندما تسخر عقلك بأمور الحياة اليومية البسيطه.. أكيد أنا معك هيك

لما تعبد ربك , بتمنح راحة نفسية شديدة , وبترتاح نفسياً وهو شيء مجرب ..

بدك توضحلي كلمتين مشان أعرف ناقشك.. شوبتعني "تعبد" وشو بتعني "بربي"

تمرد نفر من الجن ( بقيادة ابليس ) على الله , وتمت تسميتهم بالشياطين..مصيرهم النار , ومصير آدم لانه اطاع ابليس( ان الله جعل آدم ينزل من الجنة الى الارض الدنيا , هو وحواء,لينجبوا نسلهم هناك ) , ومصير نسل آدم هو البعد عن الجنة , والعيشة الصعبة بالدنيا ..

لاتعليق لأنني لم أكن موجوداً ولأنني لا أصدق بحصول تمردات وحروب أهلية في دولة الله الذي تصفه بعالم كل شيئ وبيده كل شيئ... فينا ندرج هالفقرة تحت بند القصص التاريخية.

تحدى ابليس رب العالمين بانه سيجعل عباده اتباعاً له..فاراه الله بان بني آدم ( سيطيعون الله ) , وسيدخلون الجنة , وابليس واتباعه في النار..هذا سبب وجودنا في الدنيا..

كمان هاد الكلام مجرب؟؟ أما من الموروثات؟

ما ترونه من قتل وتذبيح ومصايب,سببه الرئيسي وسوسة الشيطان للانسان , وضعف الانسان امامه ..هذا السبب المنطقي الوحيد !..لان كلنا بشر,ولكن نرى ان الانسان المؤمن بربه ( غالباً ما يكون طيب القلب ) , اما الكافر بالله ( مثل الاوروبيين بحروب الاستعمار على امريكا الشمالية ) فغالباً ما يرتكبون افظع الفظائع..

اقتراحين: يا أما يمون على الشيطان يبطل وسوسة وحاج سكوت على هالوسوسة لأنو الساكت عن المجرم مجرم.. يا أما يخلق بشر بإمكانيات أقوى تمنهن من تقبل وسوسوات الكائنات...

الله يعلم الغيب , ويعلم ان هالانسان وهو سليم ( احتمال كبير يرتكب فظائع وبلاوي ) ..لذلك سبب له اعاقة ,هي بالنهاية تصب في مصلحته , وتصب في ميزان حسناته يوم القيامة..

حلول مقترحة "بناءً على فكرتك يلي أقرب للنكته بالنسبه إلي" :

تغيير فكر هالإنسان لفكر جيد بحيث ماينجبر الله انو يسببلو اعاقه مشان ضبطه.. "اذا بيقدر طبعاً بس يبدو وجهة نظرك عن الله انو بيتمتع بإعاقة البشر"

لمن يشتم الله او يتهمه بالتقصير ..

الله منح البشر هبة عظيمة ,وهي العقل..ومنحهم فرصة بانهم يعيشوا في الجنة خالدين ابداً بعد الموت..ومنحهم الطعام والمعيشة في الدنيا ..

هالعقل يلي عم تحكي عنه وظيفته الأساسية التفكير والاستنتاج.. ومناقشة موضوع الله بيندرج تحت هالبند

ولكن البشري عندما ينسى كلام الله,ويستمع الى كلام الشيطان..هنا يجد نفسه قد ضاع..

جاوبت على هالنقطه سابقاً

الدولة الاسلامية في وقت عمر بن عبد العزيز بالمناسبة,خلت من الفقراء..
حتى انهم لم يعرفوا اين يذهبون ببقايا القمح الفائضة..

انهمرت الاموال على الدولة الاسلامية وتمتع شعبها بعامين كاملين من السلام والشبع والرغد..
ما الذي خربها ؟

مجيء الخلفاء المتعصبين للعرب,والذين يرون ان العربي افضل من اي انسان..فخربت الدولة..
وكذلك الوضع بالنسبة لدول اليوم..

والامبراطورية البيزنطية وصلت لهالمرحلة كمان.. والغريق وصلو لهالمرحلة... الموضوع لايتعلق بدين أو إله معين هو موضوع يتعلق بظروف الدول وأحداث الأمور.

الله وضع اخر امل للبشر بالاستمرار بالعدل في الدين ..فمن تبعه نجا وفلح,ومن عصاه انتهى..
وطالما ان كل الدول الآن لا تطبق الدين , فقد ضاعت !..

كمان مره يبدو ماقريت مقدمة الموضوع يلي بتقول انو الموضوع ليس بديني أبداً

معركة عالمية وليست اسلامية فقط..كان الطرفان فيها ( جيش المماليك الاسلامي الموحد قليل الجند بقيادة الظاهر بيبرس ) ضد ( قوات هولاكو المغولية الي مو معروف الى اليوم كم عددها,لانه مافي انسان قدر يعدها من ضخامتها )..

أنت تصفها بمعركة.. والمعركة لها ظروفها ومعطياتها ولا تستطيع تقييم المعارك دون معرفتك بجميع ظروفها وبالتاريخ يوجد عدد كبير من هالمعارك قبل الاسلام وبعد الاسلام ولا تمت للدين بصله.

هامش: "نحنا بمعركة مطار بغداد من كم يوم موعرفانين شو صار ختى نعرف شوصار من 1000 سنة"

قال الجند كلمة ( لا اله الا الله ) قبل المعركة..
من انتصر ؟

من؟؟!!!

برأيك من انتصر ؟ هل تعلم ان المغول وصلوا الى نصف اوروبا ؟ وهل تعلم انهم غلبوا كل امة بالعالم ؟
غلبوا العرب وغلبوا العباسيين ..

ولكنهم بمجرد ما واجهوا فئة قليلة تؤمن بانه لا اله الا الله ,تم سحقها..
نعم , سحقت دولة المغول

تهانينا.. بس برجع بقلك هذه معركه حربية بشرية خالصة.. لم نكن معهم ولا نستطيع تقييمها أو تقييم قدرات الله من خلالها لم يذكر التاريخ أن الله شوهد على جواد في المعركه ..

مثال : ( تغلب جيش المجاهدين الاسلامي على الاتحاد السوفييتي ) !...سحق المسلمون الاتحاد السوفييتي

!

معلوماتي بتقول أن الاتحاد السوفيتي سحق بسبب الفساد الداخلي وبسبب السلطة الشمولية التي مورست أواخر عهد جوربتشوف وبسبب تأمر الولايات المتحده عليه وبسبب ضعف قدرة السيطرة على مساحاته الشاسعه وبسبب ضغف الموارد وسوء استغلالها.. صححلي اذا غلط هالعوامل

لو جا واحد يسأل : ( من دمر دولة الروم الظالمة ؟ بنقول : المسلمين

اسمحلي هون.. اذا بتقصد المسلمين كجيش متل أي جيش ممكن وافقك نوعاً ما انو كان الهن دور بزعزعة اسس الدولة الرومانية بس اذا بتقصد انو المسلمين بميزتهن الالهية بقلك نقطة أول السطر.

من دمر دولة الفرس الظالمة ؟ بنقول : المسلمين

من دمر الدولة النازية؟؟ من دمر الامبراطورية الاغريقية؟؟ كمان المسلمين؟؟ هي الدنيا الدول تقوم وتنهار حسب ظروفها الخاصة والتوازنات الدولية

من دمر دولة المغول الظالمة ؟ بنقول : المسلمين

دمرها ظلمها وارهابها.. دمرها توسعها لأراضي لاتقدر التحكم بها.. دمرها حروبها المستمرة يلي استنفزت مقدرات الدولة... عرفت مين دمرها؟؟

من دمر الاتحاد السوفييتي الظالم ؟ بنقول : المسلمين

بمعنى أن بن لادن وطالبان هم من يمثلو الاسلام اليوم "طبعاً اذا فرضنا جدلاً أنهم دمروا الاتحاد السوفيتي مع انهم لم يفعلو اكثر من مقاومة حتى أخرجه من أرضهم"

جاية بالطريق امريكا..فمافي احد غير المسلمين جالس يحاربها هالأيام

فهمت عليك بس ياريت تعطوها اجازة من هالحرب كم يوم لأنكون كتير عم تطلعو بنتائج عظيمه..

وشكراً