بماانو ما حدا خدمنا بالاستفسارات السابقة ... منتمنى تخدمونا هون ..
1- حضرطنا... وبكل فخر ... عميكون دايماً معكّر فـ منطلع من هون ( او من هنيك احياناً ) منضربلنا كاس .. ومو حيالله كاس ... عرق الريان ( وفشر الميماس) على امل انو تتظبط الامور يعني ... انو نركلجها شوي فـ ما بلاقي حالي الا انو ضليت معكر .. وبلشت اتذكر شغلات .. ماالمفروض اتذكرها... بتضل ساحبة معنا قصة هالتعكير طول فترة الفصلان الكحولي اللي عايشينو... هلئ ايمتا بيبلش الرواق معنا؟
بيبلش يا عمي انت وياه / وياها / لما تبلش تفك السكرة
النقطة بكل هاللعي هاد ... انو عمحاول لاقي طريقة ... وصل فيها لـ مرحلة "تفك السكرة" بدون ما مر بكل هالمراحل الواردة اعلاه ، يعني بدون ما كون معكر بالاصل .. وبدون ما اشرب واتعكر ..وبدون ما اسكر واتعكر .. لحتى وصل لمرحلة البسط .. وقت تفك السكرة
يعني بدنا نخفف عن حالنا تكبد المشقة والمعاناة بهالموضوع هاد
فـ فيدونا يا رعاكم الله
2- ... كنت عماتسائل من فترة ... لنفترض اني قررت اني بطل الدخان...
بس بعدين ... بطّلت... هالقرار الوارد أعلاه
هلئ قدام الرأي العام ... وبمجرد قولي لأني مبطّل ( اي مبطّل سادة ...بدون ذكر اي شي تاني .. مبطّل حاف يعني ) ألا أعتبر مبطل قدام هالراي العام
؟
اي كاسكن خيو ...وجمعة سعيدة