اقتباس:
كاتب النص الأصلي : DARKNESS
اي والله
بجوز اليوم جيب المعلومات الكاملة عنو عالتيسير
.  |
ميسّرة ميسّرة ان شالله
كمان فكرة ع حكيك فوق (صعوبة مسح مليارات النجوم)
هاد يا سيدي أول عالمين اكتشفوا كواكب تانية خارج المجموعة الشمسية هني (بول باتلر + جيفرسي مارسي) سنة 1994 (إذا ما كانت ذاكرتي محششة)..
الفكرة بالموضوع.. إنو هالعالمين لوقتها كان عندهن معلومات رصدية بكميات هائلة.. وما كانوا لسا محللينها.. وفجأة تيسّرت معهن القصة بكام كومبيوتر مرتب.. فـ قدروا يحللوا قسم من الداتا اللي عندهن.. وإذ.. كرّت المسبحة على اكتشاف الكواكب..
فـ الفكرة اللي قلتها مهمة جداً.. حتى لو كان عندنا أدوات تقدر ترصد وتمسح آلاف أو ملايين النجوم.. بدّك عقول تقعد تحلل هالمعلومات الرصدية وتفهم شو فيها.. وإذا ممكن تلاقي فيها شي
من هون قام العلماء بـ مشروع سيتي (البحث عن حضارات عاقلة غير أرضية قادرة على الاتصال) بعد ما صار عندهن كم هاااااااااااااائل من المعطيات الرصدية الراديوية.. لجأوا للاستعانة بهواة فلك بكل أنحاء العالم.. وتوزيع برنامج كومبيوتر صغير.. وتزويدهن شيئاً فشيئاً بمعطيات حتى يقوموا بتحليلها وإرسال النتيجة..
ربما كان عدم الاتفاق أقصر مسافة بين فكرين. (جبران النبي)