ٌReemi
في فترة ماضية ريم كانت فيها من المقربين الي بأخوية و لذلك مش رح استسيغ حاليا ً اني اعطي رأي مخالف تماما ً لهالشي فبفضـل اني ما قول اكتر من هيك ..
hanny dagher
مسـتر هاني .. صرلي زمان ما سمعت منـّه لذلك اعتمادا ً على رأي لتاريخ آخر مرّه حكينا .. فهاني عندو طموح و من الناس اللي بتوقع انها رح توصل لأحلامها لأنها بتقاتل في سبيلها .. كفو و نيال اللي بحبه هاني لانو مستعد يروح لبعيد كتير كرمال الي بحبهم ..
AHMAD
ابو حمـــــيد .. بتخيل في ريحة صـداقة طويلة الأمد عم تهفهف ريحتها بعلاقتي مع احمد .. طبعا ً في ظل انو انا و احمد عاملين اتفاقية بانو ما نتفق ابدا ً و ما يمر شغله ما نتناقر مشانها
.. فنــااان و أحيانا ً بيحرد بسرعه متل جارتنا .. واعي كتير بس متسرع بعض الشيئ و أحلى شي وقت بيتحمـّس عشغلة و بطربش الدنيا بأوّل عشر دقايق حماس بعدين بينسى الموضوع كلّـه
..
Genifer
الصراحة الصراحة انو مافي معرفة كافية مخليتني كوّن أدنى انطباع عنها .. لكن بركي للمقلاية الجايه بكون صار في
أإأبو العبد,
بتلفتني صورته الرمزيه ( شخص لافف ميه دولر على انها سيكارة و عم يشعلها ) بتذكرني بمشهد من مسلسل طلع من فترة بعيدة شوي اسمه عشتار .. وقت ابوها بيرجع من السفر و بتكون ناطرته لكن هو بيقعد مع اخواتها من زوجته التانيه و بيتركها بالغرفه بعدين بنتبهلها و بياخدها يوصلها على بيت ستها و هون بيعطيها ميه دولر .. و هي بتطلع عغرفتها و بتحرق هالمية دولر (( شي بيحرق القلب .. المية دولر و المشهد )) ..
بالعوده لرأي ب أإأبو العبد, ففيكم تكتشفو انو مش مكونه رأي كبير لكن مافي اي شي سلبي اكيد
ام الجود
أنو في شغله اكتشفتها بهي المقلاية .. انو علاقتي بالأعضاء و متابعتي للأعضاء ( مش الردود ) خافة جدّا ً ..
أم الجود .. أيضا ً مش سامحتلي الفرصة اني كوّن رأي واضح عنها لكن بمشكلة النكت الأخيرة لفتت انتباهي ام الجود بموضوع البريد و صار و بحبشت بعدد من ردودها فيبدو انو واعية نوعا ً ما و شغل نقاش و حقوق و قصص .. لكن برجع بذكر انو مش كتير مبني على خلفية حقائق واسعة .. بركي مع الأيام
شوط ياقمر,
شـــــــغله كــبيرة .. ابو غوسي حامي حمص الابييّ .. صداقتي معه بلشت عند بسـكليتاتي اخويه بـحاره كل مين بسكليته اله و من وقتها و الغسـاله شغاله عالاربعه و عشرين .. لكنها حاليا ً عم تزرزب مي .. بتـمناله كامل التـوفيق و بقلّه واثق الخطوه يمشي حمصيّا ..
sweetbaby
ما بظن رأيي بأثر ..
Abu ToNi
أبـو طوني
.. بعتقد كلنا معجبين بأبو طوني الجديد فما في رأي ضيفه على للي انذكر بمقلايته .. بس يمكن بينفع ضيف انـّو انا بحب وجود ابو طوني بأخوية اليوم ..
maged-syrian
مابعرف ماجد أحيانا ً بتلفتني ثقافته و أحيانا ً بحس أنو بيحمـّل بعض القصص أكتر من ما تستاهل .. لكن بصوره عامة بحسّو شغيل و تعيب و كـفو و ممكن مع الايام ( أو هلأ ) أب - يعني من الناس اللي ما عندي صعوبة اتخيل انو قادر اليوم يكون اب مسؤول - ..
satoman
يا شباب ضروري تصيرو تعملولنا زياره شهريه لقسم الرسم و التصوير و الكاركتير كرمال نقدر نكوّن انطباعات اكتر كونو حتى الردود اللي بتلفتي نظري ممكن انسى مين كاتبها
.. مافي معرفة كافيه بتسمحلي أعطي رأي
المحارب العتيق
على حكـيه تخانقنا مؤخرا ً
.. لكن أنا ما بتذكر هيك شي .. و بكلتا الحالتين فأنا ما عندي رأي سلبي تجاه المحارب العتيق .. الّا انو احيانا ً بحس انو يحتاج لشويـّة ليونه أكتر بالأخذ و العطى و النقاشات ..
whiterose
نـسرين , يمكن من أطيب الناس باخويه من حيث انو طيبها تتعدى مجرّد الطيبة .. انـسان طيوب جدّا ً و ما بآمن بالكره و الحقد و ما اليه .. بحترم جدّا اللي ذكرته مرّه بأحد المواضيع انها ربت حالها بحالها .. بعزها بالرغم من اختلافات الرأي الكبيره بيناتنا حول كتير تفاصيل .. و بشوف أحيانا ً في ظلم بالتعامل معها من قبل الجميع ..
سوا ربينا
.. شريك قسم الكاركتير .. كفو و محترم جدّا ً و يستحق كل احترام .. أبو شريك
يمان Rooooonaldo
ابو الـيمن .. من اكتر الاشخـاص اللي بـحسهم بيفهمو عليّ معنى اني قول مشـتاقه للـشام حتّى و ان كانت ظروفي هون احسن من ظروف نص البشر اللي عايشه بالشام .. واضح و مـباشر يعني اذا في شغله بدو يخبرك ياها بخبرك ياها بوجهك قبل ما يخبرها بضهرك .. كتــــــــــــيير نــهفه خصّا وقت بكون محـشش او بالشـام ..
Abu Guzef
عندو طمـوح كـبير و عم يـشتغل عليه و بكرا بصير شغله كبيرة و بينسانا .. علمني بزمناتو عالتحشيش المغشوش .. بتلفتني بعلاء علاقته مع أهله .. قليلين الشباب بهالعمر اللي بحس انو بتجي علتهم بالمرتبه الاولى عندهم ..
وشم الجمال ..
أوّل شي بيجي ببالي عن رأي مكونته عنها هوّ كتاباتها الحزينة .. و بحس هي شغله مش رح نتفق عليها كتير ( الحزن ) .. أيضا ً بشعر انو في حدث كبير صاير بحياتها و مغيرها بحيث هو ّ نقطه ذاكرى كبيرة .. على ما سمعت انو خطبت مؤخرا ً فأذا صحيح هالحكي ألف ألف مبروك ..
هدوء البحر
أيضا ً زبون بالكاركتير .. .. ما صرلي كتير فرصة أعرف عنـّه أكتر من انـو شب حباب و بيلعب تنس
..
بركي نخلي الباقي للحلقه القادمه مشان السوسبينس
