[oliver68]

كاتب النص الأصلي : ظل جيفارا

طيب إزهقنا ولحنا نطالب بالمطالبة بتحريرهم ....وعبث عم تضيع كلماتنا ......
يا اخي شيلك من إنو هني معتلقي على ذمة جماعة انا كتير برفض أفكارا وشيلك إنو هيدي الهوبة اللي بتسمي حالا حقوق إنسان و مجتمع مدني كتير ملتبسة ما بين الأخوان وما بين حصان طروادة ...
يعني كفاية يقرأ بيان الأخوان بأحد الإجتماعات و ع شوي تانية كل المجتمعين رح يقوموا يقولوا الله اكبر ..
وكفاية بمحل تاني على ضفاف بحيرة قطينة بتحكي جمعيات حقوق الإنسان والمجتمع المدني -مجتمعة هالمرة- إنو جربنا الليبرالية وجربنا القومية والإشتراكية خلونا نجرب النظام الإسلامي

كإنو يعني النظام الإسلامي كفيل بحماية حقوق الإنسان
بحكي عن تجربتي مع إعلان دمشق ...احضرت إجتماع مع مجموعة من أقوى القوى اللي مشاركة بإعلان دمشق -حاليا هي مجمدة مشاركتها- الإجتماع كان مع فطور وغدا بمنطقة جميلة جدا بريف دمشق الغني جدا بجماله
ع شوي تانية حسيت حالي بإجتماع الأخوان المسلمين حيث لم ينفتئ الجمع ان يردد كلمات الرسول صلى الله عليه وسلم ولم ينبري الجمع أن يعلن عن فرحه لدخول فلان في الإسلام هذا إن لم نتحدث عن الحقد الطائفي الأعمى على الرافضة الشيعة ....
هذه جماعات حقوق الإنسان .....فلتحيا
ولكن مع ذلك أسجل وقفة تضامنية دائمة ومتكررة -مع علمي أنها ليست سوى أصوات ليس لها صدى مرتجع في الفضاء الذي نحياه - أسجل الوقفة مع كل السجناء السياسيين وهي وقفة إنسانية الطابع ..
بغض النظر عن رفضي وكرهي لايديولوجيا ولرؤية ومنطلقات العمل في زواريب الكثير من فئات من يطالبون لنا بالحرية
على فكرة اذا كان المطالب بالحرية-مع مليون خط تحت كلمة مطالب لإيماني العميق بشدة اللبس- معتقل فلحنا من مين عم نطلب ؟
تحياتي الحارة
ظل جيفارا

نحنا عمنطلب من يللي نصب حالو ولي أمر علينا، أو من يللي ادعى إنو صهر الله-على قولة نزار قباني- وأنا ما عمقصد شخص بذاتو، أنا عماقصد نظام كامل كلشي فيه مخطط ومحسوب. فإنتي بالنهاية عمتطلب من نظام، لكن النظام مو هوي نظام منظم لمصلحتك، بل نظام لمصلحة أفراد معينين، وبهالحالة لازم نلغي عنو صفة التنظيم ونسميه حكم بدل نظام.
والشغلة مو شغلة دين قد ما هيي شغلة سياسة، وإذا منهجك الديني بيتقف مع سياسة السلطة أو الحكم فأهلا وسهلا، وإذا ما بيتفق فهي السجن والتهم التافهة والأحكام الظالمة عمتستناك.