[وشم الجمال]

كاتب النص الأصلي : abosleman

ممكن ادعي الله ينتقم منهم مثلا
أو ممكن قلك انا شو دخلني ماني مجبور اتخيل
اهلي قاعدين بامان بعدين انو شو فيني اعمل دخلك
روح اضربن بالحجر مثلا ولا اقعد قاتل مع حماس ضد فتح او مع فتح ضد حماس
ولا روح دور ع لقمة الخبز وأمن حالي مارح قلك مستقبلي لان نحن شعب بدون مستقبل
بيكفينا... اكبر همومنا انو نكمل يومنا
شو بدك من شعب اما مو قادر يحك راسو عم يركض ما عم يلحق ليأمن لقمة الخبز إلو ولولادو
او ما بتابع غير نشرة اخبار وحدة واللي هي النشرة الاقتصادية والبورصة

قلي شو ممكن تعمل انت بدون ما تتخيل ؟؟؟

اشكرك ابو سليمان على هالرد
انا بلوم المطارد على ردو عليك
لانك جسدت بكلماتك وضعنا كشعب مانو عرفان شو بدو يساوي
شعب عم بيلاحق ليسد جوعو وبرضو مش قدران يوفر لحالو فرصة عيش كريمة
شعب محتل بالرغم من انو ما في لا قنابل ولا صواريخ بترتمي على راسو
بس لما نعيش مجروحين ومخروسين الالم بيكون اعظم بكتير
الف تحية للكل