دوري بالرد :
اول شي منجي للشب الكووووول
انا بكره الشعلان والقصاع وكل الاماكن يلي فيها الشباب الكوووول ... وحتى البنات الهوووت
طبعاً الشباب الكول يا هلا مو بس بفترة المراهقة ... بكل الفترات .. يمكن هاد الوباء ما كتير متفشي باللاذقية بس هون عنا غيييييييييييييير شكل !
بالنسبة للشي المكروه جداً هوة الكلمات الانكليزية المالها طعة يلي بيقولوها ويلي تعلموها عن جديد .. لأنو بشارطك تعي فتحي معون موضوع بالانكليزي بيتبلكمو .. الكلام الرزيل ما بيفارق لسانون .. ohh fu** ... sh** .. go to the hell .. ومن هالعلاك المصدي ...
منجي لشي تاني ويلي هوة التسكع على شي فاضي وصرف مصاري بلا طعمة .. بيقعدولي بالكوستا وبالمدري وين .. وازا شافو شحاد عم يموت من الجوع ما بيعطوه ولا عشر ليرات .. علماً انو المصاري مو تعبانين فيها لا هنن ولا أهلون !
بالمدرسة حمير ... ولهلأ مو حافظين جدول الضرب .. بيعرفوا درس واحد بس بالعلوم (التكاثر عن الحيوانات) .. آسف على الوقاحة بالتعبير بس لأني بشوفون حيوانات مو بني آدمين
منجي للجامعة .. الـ pappy سجلني (طز) .. يعني (طب) بجامعة خاصة .. بقا هي الجامعة فيها كل البنات كووول وهوت .. والأحلى من هيك انو ما فيها رسوب لأنو كلشي بحقو .. عنجد الـ pappy بيحبني ..
منجي لاغاني .. الشب الكول : لما بكون بالـ Car مع صحابي الشباب بكون حاطط أكاني كتير Cute وبهز براسي متل الحردون .. واااااو شو بنبست (بنبسط يعني) بطبق شي بنتين تلاتة وبعزمون على الـ JetSet .. يييي نسيت الـ JetSt صاير كتير Vulgar ... منروح على الدومينو لكن .. معي شي 5000 ما بدي ياهون (ازا مو أكتر) .. هديك المرة كنت هنيك كل البنات كانو عم يسموني انطونيو بنديراس .. بس مرة سموني توم كروز ..
(هههههههههه رب التناقض .. انطونيو اسمر .. توم أبيض) بس عندون كلشي بيصير لأنو ما بيعرف ولا واحد منون !
وبيوم من الايام منشوف شب (كوووول) لابس كنزة تشي غيفارا ... بتسألو : مين هاد ؟ بيقلك : والله ما بعرف شفت هالصورة كتير ستايل بس يمكن شي مطرب ميتال جديد !
ومرة كان في عندي CD لأغاني Che فسألني واحد : شو بيغني هاد ؟ ولا مرة سمعتلو شي !
واذا سألناه عن زياد الرحباني او فيروز او أي حدا تاني ... يععع شو كتير انت (أثري) مانك شايف الغبرة على هالمطربين ؟
هلأ منجي للحديث يلي بيدور بيناتون .. الشباب الكوول يعني .. وكمان بدي اعتذر عن الوقاحة بالتعبير بس من زمان حابب فش خلقي :
بيكونو قاعدين بتمرق بنت HOT .. وااااو ليك المدافع ... التني بيقول : واحلى شي انو لابسة بلوزة اختها الصغيرة ... (وبيبلشو ضحك) ...
التالت بيقول : على فكرة بعرف اختها .. الاسبوع الماضي كانت عندي بالبيت .. نامت عندي ... واااااو شو انها HOT بالفرشة ... اول مرة بشوف بنت *****************************
(  ) ولي ما فيني قول شو قالو ...
الرابع : على سيرة البنت الـ HOT اشتريت مبارح جل حقو 3000 ليرة .. وبارفيوم حقو 12000 ليرة
الأول : شو دخل هاد بالبنت ...
الرابع : يا ذكي كلما كانت بارفانك وجيل أغلى كلما دبقت فيك البنت أكتر
الثالث : لأ يا فهمان .. في شغلة اساسية نسيتها .. الموبايل واللاب توب (مع اني ما بعرف اشتغل عليه) .. ولا تنسى السيارة
الرابع : السيارة ما فيك تذكرها لأنها تحصيل حاصل .. الله يخليلنا هالشعب يلي عم نعيش من وراه ..
هاد يلي متذكرو لهلأ
واذا تذكرت شي تاني بكمل ..
على فكرة مرة انحطيط بموقف سخيف كتير .. عن طريق رفيقي بالصدفة وقفت مع شباب كووول .. ما قدرت اتحمل حالي أكتر من 7 دقايق
تااابع .. البنت الـ HOT
(¯`·.¸¸.·´¯`·.¸¸.->أحب الفن في نفسي لا نفسي في الفن<-.¸¸.·´¯`·.¸¸.·´¯)
|