[oliver68]

كاتب النص الأصلي : ظل جيفارا

لأ صديقي لو تسمحلي قلك القصة بحياة عمرها ما كانت عند النظام قصة دينية فهو من جهة قمع ومن جهة أرخى يعني كان يتعامل مع الدين ببراغماتية شديدة كفاية إنو أشخاص متل البوطي وكفتارو ومحمد السيد كانو مدعومين من قبله رغم إنهن مشهورين بتطرفهن ...
الحكم او الفئة الحاكمة وانا رح ضلني قول النظام لإنو على الأقل منظم حاله لمصلحته طول عمره بيشتغل لأجل بقاءه لا لأجل دين ولا لأجل قومية ...
هلأ اذا كانت قوى متل هيدي القوى الإخونجية المغطية حالا بأغطية حقوق الإنسان - الإسلام برأيي يضر بحقوق الإنسان اكتر من النظام- اذا كانت بتعتبر هيدا النظام الشر المطلق معقول تطلب منه خير ...؟
عنجد تناقض

هاموش: وين هالغيبة يا صديق انا حاليا بالاردن لو فينا نلتقي بيكون كتير منيح .
تحياتي الحارة
ظل جيفارا

كأنو أنا حكيت نفس الشي، إنو القصة مو قصة دين؟؟!!!!! بس مدري شلون إنتي فهمت عليي، مو مشكلة المهم متفقين إنو الشغلة مو شغلة دين، وأنا اسمحلي خالفك بالرأي وقللك إنو مو الإسلام يضر بحقوق الإنسان، لكن المتأسلمين متل الإخونجية هدول بضروا بحقوق الإنسان. وشغلة تانية أنا ماني متوقع إنو بيوم من الأيام الحكم عنا يصير عادل، لكن بنفس الوقت ما بقول إنو السلطة عنا بتكون شر مطلق، لأن بضل في أمل بالتغيير، أنا أصلا فكرة المطلق ما عندي إيمان فيها لأن الكون يعيش في حالة اتزان.
أما مشان التسمية يللي أكيد ما رح نختلف مشانها لأن بالنهاية فيك تسمي متل ما بدك، برأيي الشخصي حكم أزبط، لأن هالمصطلح بيتحمل الإيجابية والسلبية، بينما النظام بيوحي بشي إيجابي أكتر بكتير من السلبية.

هاموش تاني: عالبرايفيت منحكي بموضوع اللقاء، بلا ما ناكلنا شي مخالفة هلأ!!!!