05/04/2009
|
#55
|
|
مشرف
نورنا ب: |
Apr 2007 |
المطرح: |
Aleppo-Syria |
مشاركات: |
4,345 |
|
كتير كتير ممنون أنا فترة الأعياد يعني كتير مقدر هالتظاهرة "المسيحية" أنو كانت دافع للعضو "أبو توني" ليفهمني تفاصيل الخبر بالمعلقة , هاي عم سجل "إمتناني" الشخصي الجزيل جدا ً لتظاهرة دينية ولو كانت عبارة عن "تخريف" , كمان بنفس المناسبة بدي أتشكر العضو "ابو توني" لأني فهمني الخبر و تفاصيلو بالمعلقة
و أيضا ً كمان شكري للعضو "أبو توني" , على قيامه بتحليل واقع سوريا بسطرين مختصرات . كتير متشكرك ترا .
اقتباس:
برجع بقلك مين متضحك عليك بهلقصص هي 
على علمي بان والدي بشكل مباشر كان عنده حادثة مشابهة جدا ومن فترة اسبوعين تقريبا المصاري صارت بجيبتنا وهلق عما نفكر نشتريلنا سيارة .. فانه خيو ريجائن بلا تخبيص كتير وبلا حكي بلا طعمة .. ما عما احكي مشان صورتك .. مشان صورة الادارة .
|
أخي أنا معلش بدك تاخدني على أد عقلي ماني متلك دائماً العالم بتتضحك عليي ,
هلأ في عندي حوالي 40 سند سحب بقيمة تلات ملايين ليرة , و في شيكين بقيمة 700 ألف ليرة بدك تبقا راسلني برايفت لآخدك من إيدك و أعطيك هني و حصلون و خود النص أو سآل ابوك و هوي بحصلك هني .
حاج يا زلمي صرنا دافعين أد المبلغ لمحامين و قضاة و ما إجا منون ليرة .
اقتباس:
انطلاقا من مصداقية معلوماتك الموضحة بالخبر كون الحادثة جارية بمشفى حلب الجامعي بعكس عما قلت ..بعتذر من التعليق على اخبار ما بعرف من فين جايبا حرصن على ضياع وقتي ال"س"مين .
مسلحون يطلقون النار على مواطن في حديقة مشفى عام ويقتلونه في وضح النهار
على زمن الانترنت ما عاد في " سمعت وقالولي ومتأكد من الحكي بس ما بعرف من وين"
عيني رب الارشيف الالكتروني شو انه اختراع عظم
|
قلت حضرتك : 1-مشكلة بين عشيرتين , 2-بمشفى , 3- ألتم شباب العيلتين القراب و الغراب
فا المشكلة هاي صارت لأرجع أكررلك بمشفى الطب العربي مانا بمشفى الجامعة . و العائلتين هني ( بري , حميدة )
بدك ترجع تسأل و تدور و تشوف هازا الاختراع العظيم
اقتباس:
|
والله انت من حلب اما انا من سنسكريتي فانت ادرى بالاوضاع .. مع العلم انه مصداقية المعلومة السابقة " صفر " يفترض تكون سامع بشي اسمه " نشر الاكاذيب " كون احد ارباب المنبر اللي هلق حضرتك مستلمه تم تلفيق التهمة هي عليه .. فانه شو متوقع يصير بشخص ما عارف الله وين حاطته وعما يحكي معلومات مصداقيتا معدومة
|
مثلا ً هيك معلومة بدي اجبلك ياها كالآتي .
دفع ضابط مبلغ مليون ليرة لينتقل إلى محافظة حلب - سيريا نيوز .
اقتباس:
وقت بيستخدم مصطلح " رادع وجريمة " منكون عما نحكي على اساليب توعية وطرق تعليم شعبوية حديثا اطلق على لقب التعليم بالاسلوب هاد " بالهمجي " يعني مافي داعي خوزقلي كام واحد بساحة عامة حتى " ربّي " بقية العالم
وقت منحكي على القضاء والعملة منكون عما نحكي على الفساد اللي بتعاني منه البلد من عقدين على الاقل ومع هلشي هلق حتى ظهرت مشاكل النهب والسرقة المسلحة اللي بتترافق مع تعمد بالقتل .
وقت بصير سلسلة احداث من نفس النوع يفترض اننا نشوف آخر التطورات اللي صارت وآخر الاخطاء اللي صارت .. ما يفترض نشوف اخطاء الحرب العالمية التانية لنحدد فين المشكلة
آخر التغيرات كانت الغلاء المو طبيعي الصاير بالبلد وحالات الكساد بسوق العمل اللي ادت لفقدان كتير من العالم اعمالن ومصدر رزقن الامر اللي ادى لتزايد الجريمة ... الغلاء دائما ما بيترافق اما مع المظاهرات والاحتجاجات او ازدياد عمليات النهب والسرقة .. وقت بيصل لحد غير مقبول ولا يمكن التعايش معه منصل لمرحلة بيستسهل الانسان عملية النهب والقتل ..
وشعبنا المصون ما آخدة رجله على المظاهرات وعلى الاحتجاجات .. فاخدت رجله على السرقة والنهب ورجاع للأخبار بتشوف اغلبها بدور حول فلك السرقة " اثناء سطول مسلح قتل ... "
|
ما قلنا "خوزقلي كام واحد بساحة عامة" هازا الحكي ما حكيتو , ما شرط يكون الرادع "الخازوق" إلا أزا كنت عم تحكي عن تجربة خاصة أنو "الخازوق" رادع . ما علينا المهم ما فيني أنكر أنو جل الكلام اللي حكيتو بخصوص الغلاء و الكساد صحيح , و أحد أسباب هالشي اللي عم يصير من جرائم و إلى ما زالك
اقتباس:
|
لو بعرفك هيك بدك تحلل الجملة كنت فكرت سهلتلك ياها اكتر لتفهما بشكل اوضح
|
أي دخيلك , شاغل بالي هالموضوع من قرن , أنو ليش حلب هيه "المدينة الفاضلة" . أيدي بزنارك خدني على أد عقلي و سهلّي ياها .
اقتباس:
بخصوص الموضوع وربط السرقة بهمجية اهل الريف وهجرتن
1 - ما في ولا "سطر " بدل على ان الجناة من ارياف حلب .. يعني القصة كلها عبارة عن فرضية بفرضية
2 - ابن الريف سابقا كان يعتبر " دنيوي المستوى " بنظر أهل المدينة كونه عايش ببيئة متخلفة تقنيا وخدميا .. بس هلق ما عاد في هلفرق العظيم بالدرجات اللي انت متخيله ... فينك مثلا هلق بالاخوية تميز ابن الريف من ابن المدينة من خلال عرض افكاره ؟ مثال بسيط لا يراد فيه الشخص انما الفكرة .. العضوة ناي فينك تستشف من كتاباتا انها من قرية لو ما هية مصرحة بهلشي ؟
|
بخصوص أولا ً . القصة مش عبارة عن فرضية . القصة عبارة عن شيء ملموس هلأ بدك تنط و تيجي تقلي شو مصداقية هالحكي , طبعاً ماني مضطر أجي كل ما كتبت حرف أجي أقلك و قد ورد في موقع فلان و موقع علان . بس أطلع على آخر كم جريمة , بتلاقي اللي أول شخص ( اللي ماسك بإيدو السيكارة ) فات على محل "التادفي" بشارع النيل من حريتان , و على ذلك فقس .
بخصوص تنين . أنا ما وصفت إبن ريف حلب بال"دونيّة" لأني متأكد إني واحد متلك بينطر هيك كلمة مني , أنا قلت بالحرف الواحد "بس طبع اللي عايشيين بحلب غير طبايع اللي عايشين بريف حلب أو بالمناطق الشرقية" الإختلاف بالطباع لا يعني إني وصفت إبن الريف بالدونيّة ..
أما عن المثال اللي أوردته , لأ أجزم أني ما فيني ميز بس كمان أجزم أنو الأخوية مانا المكان المناسب لتقييم هالموضوع و أجزم أيضاً إني عم احكي عن أرياف حلب ليزالك أنو تستخدم العضوة" ناي" كمثال يعتبر غير صالح .
اقتباس:
علاك مو بايدك 
|
إنك توجهلي كلمة متل كلمة "علاّك" يفترض يكون في معرفة شخصية بيني و بينك و في موانة بيني و بين حضرتك ؟!
عمليا ً لا معرفة شخصيّة بيني و بينك و لا موانة فا أنتبه لمفرداتك .
ويحَ زمَنٍ أصبَحَ فيهِ عاشِقُ الوطَنِ يُهان ..
ويُشطَبُ مِن ذاكرةِ عشقِهِ ..
ومِن قائِمَةِ بني الإنسان !!
.
|
|
|
|