اقتباس:
|
il cah3eb il soury ma 3am ya3rif inno il mo3arada il lebnaniye wel soriye mana 3amile la america we isra2il
|
عفواً بس كيف عرفت رأي الشعب السوري؟؟
بعدين رجاء عدم الخلط بين المعارضة السورية و المعارضة اللبنانية.. لأنو كل وحدة عندا أجندة مختلفة، و الجيش السوري فينا نقول صار برات لبنان... و الحديث هو عن المعارضة السورية و السورية فقط!
و هي العمالة من التهم الجاهزة في أدراج كثير من اللقاليق لتوجيها للمعارضين.. و طبعاً هي تهمة مدروسة لأنها تنفر الناس منهم.. بس الناس مانا جاهلة 100%
من جهة تانية احتكار السلطة و تغييب رأي العارضة فسح المجال أدام ما هب و دب من زبالات العالم (أميركا - صدام) لتلعب على هالوتر.. و الجماعة بالسلطة مالون زعلانين؟ ليش لأنو هيك بيختلط الحابل بالنابل و بيضيع الصالح بالطالح و بالنتيجة بتروح على الصالح...
في نقطة هون من شان موضوع صدام و العراق.. يعني نحنا ما لازم نكون مأخوذين بالدعاية العالمية و بالتحليل السطحي للأمور لأنوا في جماعة بعث العراق أو جماعة شباط .. و هدول ممكن دعمون صدام بس ما كان الهدف المصاري كان الموضوع صراع سياسي و لازم يتمول .. و يعني إطلاق حكم خيانة على لي بهداك الوقت حاولو يحصلوا على تمويل من صدام مانوا دقيقة يعني هني ألون أخطاؤون بس إذا بدنا نحلل بدنا نكون موضوعيين و نطلع على الموضوع كيف؟ ليش؟ مو دفاعاً عن الجماعة أو هجوماً بس يعني من باب مقاربة المنطق...
و بالنسبة للقائمة اللي نشرتها الجريدة اللي مالكها معارض عراقي سابق و صاحب دار مشهورة (راح أسمى من ذاكرتي: يمكن الفكر)
أي هي قائمة سخيفة و ما بتعبر عن شي و ما ألها مصداقية لأنا كانت موضوعة بإشراف الأميركان و خلطوا فيها بين الأنذال و الناس اللي ما يبناسبوا هواهم من شيوعيين و مستقلين و أحرار ..