[أإأبو العبد]

اليوم الصبح ياجماعه كنت رايح مشوار بهالسيارة وانا ماشي طلعت بوشي اشارة المهم وقفت على هالاشارة
وطولت فجأة خرمت على سيجارة فاتطلعت عالتابلو مالقيت الباكيت وبلشت دور فتحت كل درودج السيارة ونزلت تحت الكرسي ومديت حالي لورا ونزلت تحت الكرس الي حدي المهم وانا بهالوضع واذ حسيت انو في شي مو طبيعي رفعت راسي لقيت الشارع فاضييييي
صار شكلي هيك واكتشفت انو الاشارة فتحت والعلم مشيت وانا واقف بنص الشارع متل الشوئسمو
والي استغربت منو كتيييييييييير انو ماحد زمر يعني ليه شو صاير بالدنيا المهم درت وشي عاليمين لقيت سيارة شرطة واقفة حدي والشرطي معيطلع فيي بنظرة استغراب
فتلقائيا صار شكلي هيك المهم اشري انو صف عاليمين ولحسن حظي يعني كتير ميرسي لالله انو عند هالاشارة في فرع مكافة المخدرات
بس لما نزل الشرطي لعندي سالني سؤالين كان السؤال الاول انو شو موقفك هيك بنص الشارع قلتلو بكل وضح وصراحة وشفافية وعز نفس انو مضييع باكيتي
قام هون سألني السؤال التاني ولهلا انا محتار بهالسؤال قلي انت اهبل ولا بتستهبل
المهم الشرطي كان كتير طيب وركبني بسيارتو واو شو فحل
المهم لقيتو عمينادي لجماعة من الفرع ليساعدو ومالقيت الا والبحبشة والنكوشة اشتغلت ماخلو مكان بالسيارة يعتب عليهن وانا بهالحالة من الذهول والاستغراب لقيت الشرطي اجا لعندي وصار يفتشني(أليل الادب)
المهم قال للشيبية الطيبة انو مامعو شي ولقيت واحد منن متوجه لعندي ووجهو مابيتفسر لا ومشان تكمل ابو الشباب اقرع المهم وبلا طول سيرة لقيتو وقف قدامي يعني مافي بيني وبينو سانتيين راح مطلع من جيبتو الباكيت اا هون حسيت بالفخر بهالشبيبة وعنجد صدق الي قال (الشرطة في خدمة الشعب)
بس بعد ماطلع الباكيت لقيتو طلع من جيبتو التانية ظرف صغير انا وقتا انصدمت لانو هالظرف قديم كتييييييير فتح الظرف وانا عمبدعي يارب مايكون فيو شي يااارب
بس لانو انا حظي حلو طلع فيو شي ومو اي شي كلع فيو ورق شام انا قلت راحت علي المهم قلي لشو هاد اجت ببالي كذبة جهنمية قلتلو لجدي لانو جدي بيحب يدخن لف فقلي شو جابا معك بالسيارة قلتلو هوطلب مني جبلو وبما انو انا شكلي بريئ صدقني وقام ينصحني انو مابصير هاي الشغلات تكون معك بالسيارة فانا قلتلو لييش شو فيها قلي هاي للناس الصايعين قلتلو ايه خلص وعد مارح حط معي بالسيارة هيك شغلات
فتركوني بحالي بس الشرطي ودعني بورقة صفرة عطاني ياها للذكرة مكتوب عليها (مخالفة عرقلة سير)

وبهيك بتكون خلصة الحتوتة حلوة ولا فتفوتة

هاموش1:على فكرة كل احداث هالقصة واقعية واحداثها حصلة بتاريخ اليوم 9/2/2009 الساعة 6 صبحا بتوقيت جرينتش

هاموش2: على فكرة جدي متوفي من قبل مااجي انا على هالدنيا