من خلال الحكي حسيت انو عندك روح مرحة ...
هي روحك المرحة شلون كانت بالمدرسة ؟
و شلون أثرت على صداقاتك ... و حياتك .....
الروح المرحة بالمدرسة كان ضمن الشلة انو نكت ومقالب, هالروح المرحة والنكتة كانت من بين كتير من الشغلات اللي قوت الروابط بالشلة والاصدقاء وخلتنا لهلا بنتواصل مع بعض, لانها بتربتط بكتير من الذكريات الجميلة المطبوعة بالذاكرة.
شو الفرق بين حاتك الاجتماعية بالوطن ... و حياتك الاجتماعية بالمهجر ....
وقت كنت بالمانيا, الحياة الاجتماعية كانت كتير قريبة للحياة الاجتماعية اللي كنت عايشها بسوريا, كان عندي وقت كتير وبالتالي كونت صداقات كتير وبمدن عديدة, وكان في كتير نشاطات كنت مشارك فيها كالصليب الاحمر, جمعيات طلابية, اخويات, ومن خلال هالنشاطات صارت حياتي الاجتماعية نشيطة وقريبة جدا من حياتي الاجتماعية بسوريا.
هلا وقت صرت بامريكا تغير هالشي بشكل كامل, يعني الوقت هون مدري كيف بيركض, بين شغل وبيت ومدرسة مابيعود للشخص وقت ليكون صداقات منيحة, الشي المختلف بامريكا انو في عندي اقارب كتير وهالشي بيعطيني دعم كتير..
شو هي هواياتك ...
السفر, القراءة, السهر, بالاضافة للشغل اللي بعتبرو هواية لاني بستمتع فيه
شو هدول بالنسبة لجورج ..
ردة فعل على الواقع المفروض على الشعب.
بدو تجفيت متل ما موتور السيارة بيتجفت عند الميكانيكي...
اقتباس:
الواسطة بشكل عام ... و شو موقفك من استعمال الواسطة شخصيا
|
الواسطة وقت يكون استعمالها بخصوص ظلم بموضوع ما او بقضية ما, فـــ انا مع, غير ذلك انا ضد.
اقتباس:
الدراسة بالخارج و العودة الى الوطن
|
بتتطلب قوة كبيرة للخروج من بين احضان الوطن وقوة اكبر بكتير للعودة لاحضان هالوطن.
اقتباس:
الحرية الشخصية (حسب مفهومك انت)
|
الحرية الشخصية بتكون مقدسة لما تُمارس بضمير حي.
اقتباس:
الجمهورية الفاضلة (جمهورية افلاطون)
|
كل شيء يكون مبني على اساس العدالة مُرَحَب به.
