[قرصان الأدرياتيك]

كاتب النص الأصلي : يمان Rooooonaldo

انو شو مشان كيف بدن يرجعو ابو عصام ..!! بتصير قمّة المسخرة على فكرة ..
انا من اللي بشجع اني شوف الجزء الرابع صراحة لانو .. متوقع يكون احسن من اللي مضو .. خصوصي ال 3 ..
بس صراحة لو في هيك فكرة بدا تكون غبية ..
** هاموش .. انو مشكور حبيب .. بس كأنك مبكر شوي باملوضوع كنت لناو لسا يا دوب طلعنا من رمضان يعني .. بكييير ..

بنتشكر صاحب الموضوع وحابب ضيف هالتعليق الصغير بعد سماحكن طبعاً.

بالنسبة ألي الجزء الأول كان القمّة والتاني ماشي الحال بسبب النصف التاني منو يللي قضيناه بين أنت طالق وبدو يرجعا! التالت يجي بالمرتبة التالتة بعد الجزءين الماضيين. طبعاً أنا عم أحكي عن الأفكار يللي تكررت تقريباً في الأجزاء التلاتة وما عم أحكي على الصعيد الفني (الأداء)!

بالنسبة لعودة أبو عصام فأنا بشوفها طبيعيّة (هاد إذا كانت صحيحة ورح تصير) ورح تحيي المسلسل من جديد بأفكار جديدة لأسباب عدّة:
- أول شي من السهل جداً عالكاتب والمخرج إعادة أبو عصام لأن الزلمة لما مات وصلت شنطايتو ولفاحيتو بس جثتو كانت غايبة، يعني محدا عرف وين انتهى! جنازتو كانت مجرد جنازة بدون جثة! وهكذا يا قوم بظن أنو رح يفرجونا أنو كان معتقل عند الفرنسيين... مجرد فكرة!
- تاني شي بحب قلك ياه يا حبيب قلبي يا يمانو أنو معقولة تخلي سعاد خانم تكمل الجزء الرابع لحالا؟! أنت ترضاها هي؟! أنا لأ حاجتا جزء واحد بسبب لسانا الطويل!
- تالت شي البهدلة يللي بانت على معتز وعصام بغياب الحكيم... إي والله ما حلوة. أولاد كبير الحارة صاروا مقطعة للرايح والجاي وما عاد اهتموا بخواتن وهاي أختن بوران صار تشتغل بتطريز العبي من ورا راس هالجوز الحمير! فمن هيك يا ريت يرجع الحكيم ويضب عصام الأزعر النسونجي يللي بدو التالتة كمان، ويرجع الضحكة لأبو العز ريتو يسلملي هالمعتزّ أنا .

فلهذه الأسباب وأخرى أنا بشوف العودة (في حال زبطت على هوا ما يقولون) أمر ضروري جداً لإنقاذ باب الحارة مالتعتير يللي وقع فيه بآخر أجزاءه!

والسلام عليكم ورحمة الله وبركاته.

مع تحيّات الإيدعشري .