لسع استنى الاصدار الشبابيك المفيمة والمرايا علكهربا شي بياخد العقل
اقتباس:
هات لشوف
شو رأيك فيني ؟ ( بعد كل فترة نقاشاتنا ووجودنا بأخوية )
|
يمكن تستغرب انه ما عندي رأي بمعنى الرأي
هوي مجرد انطباع بأنك شخص ما بتفق معه بالأفكار
بس انه عندي رأي فيك فمافي لأن بالاصل ما بعرفك بشكل كافي وما بعتقد الانترنت صورة حقيقية للواقع بطرقة فعلية
بخصوص نقاشاتنا بحس انك كنت بتستعمل الاسلوب الاستفزازي بالحكي معي أو مع غيري ( خصوصا صافو
)
فيا انا تعودت عليك يا اما انت كمان مغير من اسلوب عرضك لأفكارك
اقتباس:
أيمت اخر مرة تخانقنا وليش ؟
|
اذا سألتني شو أكلت مبارحة ما رح اتذكر لأتذكرك امتى تخانقنا آخر مرة
اقتباس:
|
كان في عضو بأخوية تتخانق معو كتير أسمو كريم . اذا شاف هلاء كلامك شو بتقلو ؟
|
ما بدي قله شي لأن ما كان في شي شخصي بيناتنا ، رح يكون الحكي اللي بدي وجهه اله بحسب الشي اللي هوي عم يشارك فيه وعم يكتبه
بمرة من المرات ريمي كانت عم تحكي على شب قديم بالاخوية ما بعرف مين هوي ولا بتذكر مين كان ، قالتلي معقول ما بتعرفه ؟ انت من القديمين ومن العالم اللي ما قطعو عن الاخوية كيف مانه مارر عليك اسمه ؟
القصة اني ما كنت دقق ابدا على الاسم وما كنت انتبه شو الصورة الشخصية حتى تبع الشخص اللي عم يحكي معي لهيك ما بتذكر حدا وما بتذكر ايا حديث الي مع ايا شخص .
على سيرة الصورة الشخصية .. صورتك الرمزية بقيت عم بحبش عليها شغلة يومين ورا بعض لآخدها بالحجم الكبير لأنها كانت بتلزمني بطباعة اعلان .. وبالأخير مشي الحال وهلق عندي ياها .. الك مصلحة فيها
اقتباس:
|
من لما بلشت تتغير . كنت اخد قرار بهاد الشي ولا قناعاتك وصلت لهون ؟
|
جاوبت كتير عن هاد السؤال
باختصار بقلك انه لا مافي قرار بالموضوع القصة كلها نتاج احتكاك مباشر مع البقية مع شوية تليين بالافكار واخد وعطي مع الاشخاص مع شوية فتلات بالغوغل جوات النت .
اقتباس:
|
ناوي تعمل دراسة عن الاسلام والقرأن ( من منطلق أطلاعي وبحثي عن حقيقة الوجود ) ولا مو ببالك هيك شي ؟
|
مواضيع العقائد الدينية ما كتير بتهمني وما كتير بتشدني ، من فترة كنت عم بحبش بعقيدة وحدة الوجود تبع جلال الدين الرومي ، حسيت بملل رهيب وانا عم اقراها
ما قدرت فوت بالجو تبعها وسكرت الكتاب وما رجعت فتحته
يمكن مع الأيام تستهويني الفكرة وبلش بحبش واقرا كتب .. كلشي وارد .
اقتباس:
|
شو صار بعدين بقصة الفواشة ؟
|
عيفا لربك الفصل الجاية رح يدرسني الدكتور نفسه مادة جزء تاني للفواشة .. من هلق الطلاب عم يحطوا توقعات لنمط الاسئلة
بس بخصوص الفواشة نفسا بحد ذاتها مشيت تمام سفقتا بوقتا شي تمانينات اذا ماني غلطان
بس لهلق حصرة بقلبي انه تم معاملتي بالاسلوب هاد .. لا ووين ؟ بمؤسسة أكاديمية ... يا عيني
