[Joe]

اخي حسام
يعطيك العافية... بس
انت هيك خرجت (خرجت كتير) عن السؤال المطروح
يعني انت تطرقت للحضارة و اللغة و الإسلام و الأتراك و البعث و الناصرية و الروابط الفكرية و فلسطين.. و لم تجاوب على السؤال المطروح يلي بيتعلق بالناحية العرقية فقط... يعني هل فعلا العرب امة وحدة من الناحية العرقية.. لانو في ناس بتامن بالقومية العربية و بتآمن فوقها انو العرب فعلا امة واحدة و من أصل بشري واحد... و في ناس بتآمن بالقومية فكريا و لغويا فقط و في فرق كبير... يعني سؤالي المفروض يتطرق على موضوع الفينيقيين و الفراعنة و هل فعلا كل العرب و السوريين و إلخ أصلهم من شبه الجزيرة لما كيف... و هل هادا مهم بنظرك

هلا انا ما عندي مشكلة بكيف بتحبوا تحكوا بالموضوع... اذا بتحبوا تكملوا هيك انتوا احرار... بس انا كنت مفكر قسّم الموضوع لأجزاء صغيرة بتكون الإجابة عليها صغيرة كمان مشان سهولة ترتيب الأفكار ... يعني كنت رح خصص سؤال منفرد لكل هل أشياء يلي حكيت عنها انت: البعث الاسلام العثمانيين .. إلخ

بقى شو قلتوا؟ نكفي هيك لما نرجع من أول و جديد؟