[fady juventus]

تحياتي للأخ كريم

كاتب النص الأصلي : krimbow

بعيد الفطر كانت خطبة بنت عمي على واحد لبناني من اشد القواتيين الحكيم بنص الحفلة اخو الخطيب رفع كاسو و نادالي و قللي "و لك خيي، ما عاش بدنا الحئيئا، بدنا نشوفكم بصحة ع طول و بس"

طبعا أخي كريم هني ما بدهن الحئيئة ولا بيهمن الحريري،اللي بيهمن يتم مشروعهن السياسي واللي من أهم أركانو إضعاف و إذلال سوريا و بالتالي حلفاءها بلبنان .

اصلا عشت سنة و نص بمنطقة كسارا بزحلة و درست بالمدرسة الانجيلية فيهاو الاستاذ جورج ابراهيم الخوري هوي يللي درسني الصولفيج

هاي بحياتها ما كانت أجواء الحقد

كيف بدك صاحب السوبر ماركت يحب السوريين لما يجي لعندو الضابط السوري و يقشللو نص السوبر ماركت و يمشي مع تكشيرة او بهدلة لأنو ما لقا شي صنف كان ناوي يقشو ؟؟؟
كيف بدك صاحب الارض اللبناني يللي بدو يعمرها و مستأجر سوريين و ميت رعبة منهم ما يغلطلو بشي كلمة هيك و اللا هيك قدامهم و يروح فيها بشربة مي انو يحبنا ؟؟؟
كيف بدك ام السجين اللبناني يللي بسوريا او اختو او ابوه او ابنو انو يحبونا ؟؟؟؟
انا ما عم قول انو اللبنانية معهم حق يكرهونا ... بس ممكن اني اعزرهم و اتفهم موقفهم
يللي ما بقدر افهمو هوي ليش المعاملة بالمثل ؟؟؟ ازا نحنا زغرنا عقلنا متل اغلبيتهم و ما سمعنا صوت العقل يللي عم يصرخ بهالعجقة من عنا و عندهم رح نخسر اكتر بكتير من يللي خسرناه لهلأ
و ما عم قول انو اللبنانية كلهم رحابنة و كلهم عاقلين

على هالمعدل ما بيتفق تنين بالعالم على موضوع واضح!! كيف بدنا نتفق على موضوع أنا برأيي من أعقد المشاكل واكترها تشعب و تداخل
يا كريم الموضوع هلأ أكبر من صاحب سوبرماركت وأمهات أسرى وناس انظلموا من بعض السوريين؟؟ ومن ورا هالشي كرهانين سوريا والسوريين!!!
الموضوع هلأ عبارة عن طبقة سياسية كبيرة حاقدة مدعومة من طبقة شعبية واسعة عم تحاول نسف الوضع بسوريا ، سوريا طلعت من لبنان" لا منية ولا جميل" وما خلصت؟؟
لاء ولاحقينا المعارضين بقيادة حلفاء الأمس لإسقاط النظام بتلفيق الأكاذيب والشهود!!
لصالح مين هالشي؟؟ لمصالح سياسية داخلية؟؟؟ أو خدمة لمشروع دولي؟؟ أو إنتقام من سوريا؟؟؟؟؟؟
إنت قلت مانك عم تبرر الحقد بس لازم نتفهم!!!!! طيب أوكي
هل رح تعذرهن إذا تسببت هالطبقة السياسية من خلال حملتها بفرض عقوبات ع بلدك سوريا؟؟ وصرت تشوف بدال الشحاد أربعة ،وبدال العاطل عن العمل عشرة؟؟؟ هل رح تسامحهن إذا إجت الجيوش الجرارة لتدك عاصمة بلدك وتهد قصر العظم والمعالم التاريخية الحلوة بشي قنبلة زكية؟؟؟
لا سمح الله إذا بيروح بالقصف حدا غالي عليك ، ما رح تلعن أجداد الأجداد تبع اللي كان السبب،حكومة ولا لبنانيين ولا أمريكان؟؟؟؟؟
كان بدي منك قبل ما تتفهم الكره اللبناني تتطلع على مصير بلدك
أنا ماني طالب من اللبنانين يحبوا السوريين، أنا بدي يتركونا بحالنا