[krimbow]

مرحبا شباب

تجاوزات بعض الافراد لاتتدل على الجماعة

عال كتير ...
ليش ما قلتو هالحكي ع اغتيال المالكي؟؟؟
حزب البعث اكتر حزب لاحق القوميين وقتها علما انو المالكي كلو مانو بعثي و لا يمت للبعث بصلة غير انو اخوه بعثي
و الشغلة التانية
بطلب منك تعطيني اسم بعثي واح بالقيادة السابقة (القطرية و قيادة الفروع و قيادة الشعب) شريف و مانو حرامي
يعني اذا القيادة كلها فاسدة شو خليتو للباقيين
بعدين انا شو بدي بالناس يلي ما بيطلع بايدهم يعملوا شي
انا بيهمني القيادة السرمدية تبعكم و قيادتكم كلها فاسدة

بعدين ليش الكم الحأ تكونوا قيادة الدولة و المجتمع لوحدكم؟؟؟؟؟
اي اذا منطلقاتكم النظرية لهلِأ ما كملتوها لأ و ما زدتوا عليها حرف من شي عشرين سنة و لا عدلتوا فيها حرف

نعم اخي الكريم يحترم الراي الاخر
الحزب لايحد من الحريات العامة والفردية ، إلا لمقتضيات الأمن القومي والوطني لأن ما يمسهما هو خروج عن دائرة الحرية إلى دائرة الأضرار بالمجتمع.

شو الشغلة عناد يعني؟؟؟؟
شلون بيحترم رأي الآخر بالله ؟؟؟؟؟؟
من ايمت و وين و كيف ؟؟؟؟؟؟؟؟؟
حبيب نحنا عايشي بسوريا و منعرف البير و غطاه بقا لا تحكيلنا قصص خرافية الله يرضى عليك
ليش ما فيني فوت على اسلام اون لاين او على كلنا شركاء؟؟؟ وين احترام الرأي الاخر
لك انتوا بتخافوا من الكلمة بتجي بتقلي بتحترموا رأي الاخر
بعدين كرمال الله لا عاد تحكيني بلهجة الخوف ع المجتمع لأنو متل مانك شايف ما حدا خربو غيركم

نعم ببعض المواقف كان هناك عنف لكن فقط عندما يتههد الامن القومي من قبل فئات صغيرة هدفها الاضرار باالمجتمع
وانت وانا والكل يعرف هذا

قصدك لما يتهدد الكرسي الابدي و المخلد

والحرية ليست قضية مطلقة بل هي نسبية ، لأن الإطلاق يؤدي إلى الفوضى والصراعات بين الأمم ، ويؤدي إلى الفوضى والخراب في المجتمع ، ومن هنا قُيدت الحرية بعدم إضرار أمة بأمة ، ولا فرد بفرد أو بالمجتمع

دخلك و قياداتك هيي المؤهلة انو تضبط الفوضى؟؟؟؟
ليش ايمت اخدوا الدوكتوراه من كامبريدج و اوكسفورد و السوربون؟؟؟؟؟؟؟
خلينا نعمل مقارنة من سنة 1945 لسنة 1958
و مقارنة من سنة 1963 لهلأ
رح تلاقي الفرق الشاسع بين الحرية هديك الايام و الحرية هلأ

يا رجل الكلاب و القطط عندها حرية اكتر من المواطن السوري

يعني انا سمعت كتير مبررات لابقاء قانون الطوارئ بس المبرر تبعك (مع احترامي الشديد لشخصك) كان الاقل جدية (ما بدي قول الاسخف)

الفكرة حبيب انو انتوا صرلكم 42 سنة بالسلطة يعن ب 42 سنة الدنيي انقلبت فوقاني تحتاني
و نحنا مكانك راوح
هون ع مين بحط الحأ؟؟؟؟
ع الامبريالية ؟؟؟؟ طيب شو بتسمي امبراطورية المخلوف؟؟؟
ع الصهيونية ؟؟؟؟ ليش مين تنازل عن كيليكية و لواء اسكندرون ؟؟؟؟؟؟
ع البرجوازية البغيضة ؟؟؟؟؟ ليش انتوا هلأ شو؟؟؟؟؟؟ مو بس هلأ بالاساس انتوا شو؟؟؟؟
ع الاقطاع ؟؟؟؟؟؟ شو ما عم تسمع قصص ولاد الشوكت؟؟؟؟

بشرفك يا زلمة و الله ملينا من هالتخويتات
ليك الاغا ما احلاه هوي بعثي متلك و وضح فكرتو بصراحة و قال انو اعلى ما بخيلنا نركب و كل شي عم نقولو صح بس ما اجا و عطانا محاضرة بائدة عن فضائل الحزب تبعك

حبيب تذكر انو مو الكل بحزبك فاسد و تذكر كمان انك قلت انو انتوا بتحترموا الرأي الآخر